ఏపీ బీజేపీ నూతన అధ్యక్షుడు సోము వీర్రాజు కి అభినందనలు వెల్లువెత్తుతున్నాయి. అయితే తాజాగా ఏపీ బీజేపీ లో ఓ చర్చ పెద్ద హాట్ టాపిక్ అయింది. ఏపీ అధ్యక్ష పదవి ని ఎప్పుడో చేపట్టాల్సిన సోము వీర్రాజు ని ఢిల్లీలో బీజేపీ లో కీలకంగా ఉండే ఓ నాయకుడు అడ్డుకున్నట్లు సరికొత్త టాక్ ఇటీవల బయటపడింది. వాస్తవానికి రెండు తెలుగు రాష్ట్రాలకు సంబంధించిన అధ్యక్షుల పదవులను బీజేపీ హైకమాండ్ ఫిబ్రవరి నెలలోనే డిసైడ్ అయిందట. ఈ క్రమంలో తెలంగాణ బీజేపీ అధ్యక్షుడిగా బండి సంజయ్ ప్రకటించగా ఏపీ బిజెపి అధ్యక్షుడు విషయంలో మాత్రం ఢిల్లీలో ఉండే ఆ కీలక నేత అడ్డుపడినట్లు తాజాగా వార్తలు బయటపడ్డాయి.
సోము వీర్రాజు ని కాదని… ఏదో రకంగా సుజనా చౌదరిని గాని లేకపోతే పార్టీలో మరొక ఆమెను గాని ఏపీ బీజేపీ అధ్యక్ష పదవిలో కూర్చోబెట్టాలని ఢిల్లీలో ఉన్న ఆ కీలక నేత ఐదు నెలలు అనేక ప్రయత్నాలు చేశారట. అయినా కానీ మోడీ మరియు అమిత్ షా ఆ నేత వేసిన వ్యూహాలకు ఏ మాత్రం లొంగకుండా… సోము వీర్రాజు ని తాజాగా ఏపీ బీజేపీ అధ్యక్షుడిగా ప్రకటించాలని అధిష్టానానికి సూచించడంతో జాతీయ అధ్యక్షుడు జేపీ నడ్డా ఇటీవల ప్రకటించినట్లు వార్తలు వస్తున్నాయి. ఢిల్లీలో ఉండే కీలక నేత తో పాటు ఏపీలో ప్రధాన పార్టీలకు చెందిన నాయకులు సోము వీర్రాజు కి ఎలాగైనా బీజేపీ అధ్యక్ష పదవి రాకుండా చేయాలని ప్రయత్నాలు చేసినా కానీ ఆ ప్రయత్నాలు విఫలమైనట్లు ఏపీ బిజెపి లో గుసగుసలు వినపడుతున్నాయి. ఏది ఏమైనా తన పైన ఎలాంటి వ్యతిరేక ప్రయత్నాలు జరిగినా గాని రాష్ట్రంలో బీజేపీ ని బలోపేతం చేయడం కోసం అందరితో కలిసి మెలిసి పని చేయాలనే ఆలోచనలో సోము వీర్రాజు ఉన్నట్లు సమాచారం.