China: ప్రపంచం మొత్తాన్ని అతలాకుతలం చేసిన మహమ్మారి కరోనా వైరస్ విషయంలో మొదటి నుండి అమెరికా .. డ్రాగన్ కంట్రీ పై విమర్శలు చేస్తున్న సంగతి తెలిసిందే. అంతకుముందు అమెరికా మాజీ అధ్యక్షుడు డోనాల్డ్ ట్రంప్ చైనా వైరస్ అంటూ అంతర్జాతీయ మీడియా సమావేశాలలో చైనాపై దుమ్మెత్తిపోశారు. ప్రస్తుతం కొత్తగా అధ్యక్షుడైన జో బైడెన్ కూడా వైరస్ కి మూల కారణం చైనా ని టార్గెట్ చేస్తూ విమర్శలు చేస్తున్నారు. పరిస్థితి ఇలా ఉండగా ఈ విషయంలో ఇప్పుడు చైనా అమెరికాపై ఎదురు దాడికి దిగింది.
ఈ మహమ్మారి ప్రపంచంలోకి రావటానికి మూల కారణం అమెరికా అంటూ ఆరోపిస్తూ.. ఈ విషయంలో ప్రపంచ ఆరోగ్య సంస్థతో దర్యాప్తు చేయాలని సరికొత్త డిమాండ్ తెరపైకి తీసుకు రావడం జరిగింది. ఇటీవల చైనా విదేశాంగ శాఖ అధికార ప్రతినిధి వాంగ్ వెన్సిన్ మీడియాతో మాట్లాడిన సమయంలో .. అమెరికాలోని ఫోర్ట్ డెట్రిక్ ల్యాబ్ తో పాటు ప్రపంచంలో పలు దేశాలలో ఈ వైరస్ పుట్టుక మూలాలు ఉన్నట్టు అనేక నివేదికలు తమ దగ్గర ఉన్నాయని పేర్కొన్నారు.
Read More: Corona: వాట్సాప్ తో కరోనా టెస్ట్ఎంత ఈజీగా చేసుకోవ‌చ్చంటే;
ఇదే క్రమంలో తమ దేశంలో ఈ వైరస్ పుట్టుక ఉన్నట్లు ఆరోపణలు వస్తున్న నేపథ్యంలో ప్రపంచ ఆరోగ్య సంస్థతో దర్యాప్తు చేయించాలని అప్పట్లో స్వాగతించిన ట్లు .. ఇప్పుడు అమెరికాలో కూడా ఇదే తరహాలో ప్రపంచ ఆరోగ్య సంస్థతో దర్యాప్తు చేయాలని డిమాండ్ చేయడం జరిగింది. ఇదే తరుణంలో ఈ మహమ్మారిపై పోరాటానికి మానవజాతి అంతా కలిసి పనిచేయాలని చైనా విదేశాంగ శాఖ అధికార ప్రతినిధి వాంగ్ వెన్సిన్ శుక్రవారం మీడియాతో స్పష్టం చేశారు.
