Ysrcp : ఆంధ్రప్రదేశ్ రాష్ట్రంలో పల్లె ఓటర్లు వైయస్ జగన్ పాలనకు పంచాయతీ ఎన్నికలలో బ్రహ్మరథం పట్టారు. మొదటి దఫా అదే విధంగా రెండో దఫా ఎన్నికలలో తిరుగులేని స్థానాలు సాధించి.. ప్రజలలో వైసీపీ పార్టీ పట్ల ఏమాత్రం నమ్మకం తగ్గలేదని మరోసారి రుజువు చేశారు. 2019 ఎన్నికల మాదిరిగానే పంచాయతీ ఎన్నికలలో కూడా ఏపీ ప్రజలు భారీ స్థానాలు వైసీపీకి కట్టబెట్టడంతో వైసీపీ శ్రేణులలో సంతోషం నెలకొంది.
ఎన్నికల కమిషనర్ అదేవిధంగా తెలుగుదేశం పార్టీ అనేక రీతులుగా కుయుక్తులు పన్నినా వైసిపి పార్టీ హవా ఏమాత్రం తగ్గలేదు అని ఆ పార్టీ శ్రేణులు వచ్చిన ఫలితాలు బట్టి వ్యాఖ్యానిస్తున్నారు. మరోపక్క రాబోయే మిగతా ఎన్నికలలో కూడా ఇదే రీతిలో వైసిపి పార్టీ విజయాలు సాధించడం గ్యారెంటీ అని జోస్యం చెబుతున్నారు. ఈ విధంగా వైసీపీ పార్టీ పంచాయతీ ఎన్నికలలో గెలవడం వెనకాల.. జగన్ అమలు చేసిన సంక్షేమ పథకాల కారణమని చెప్పుకొస్తున్నారు.
జిల్లాల వారీగా రెండో దశ పంచాయతీ ఎన్నికల లో వైసీపీ కి వచ్చిన ఫలితాలు ఓట్ల శాతం చూస్తే.. అనంతపురం 80, చిత్తూరు 85, తూర్పు గోదావరి 74, గుంటూరు 78, వైఎస్ఆర్ కడప 85, కృష్ణ 71, కర్నూలు 78, నెల్లూరు 86, ప్రకాశం 86, శ్రీకాకుళం 87, విశాఖపట్నం 74, విజయనగరం 76, పశ్చిమ గోదావరి 74.. అన్ని జిల్లాలలో సరాసరి.. దాదాపు 79 శాతం స్థానాలు వైసీపీ పార్టీ గెలుచుకోవడం జరిగింది.
