బీజేపీపై దేశంలో వ్యతిరేకత మొదలైందని వాదన మొదలుపెట్టిన ఎన్నో రాజకీయ పార్టీలకు, నాయకులకు ప్రస్తుత ఎన్నికల ఫలితాలు బైర్లు కమ్మేలా చేశాయి. బీజేపీ ప్రభావం ఉన్న బీహార్ రాష్ట్రంలో ఆ పార్టీ పుంజుకోవడం ఒక ఎత్తైతే.. తెలంగాణలో జరిగిన ఉప ఎన్నికలో బీజేపీ విజయదుందుభి మోగించడం బీజేపీకి అసలైన విజయంగా చెప్పాలి. ఈ నేపథ్యంలో కేసీఆర్ 2018 ఎన్నికల్లో విజయం సాధించిన తర్వాత బీజేపీని ఉద్దేశించి చేసిన ఓ వ్యాఖ్యను దుబ్బాక ప్రజలు సీరియస్ గా తీసుకున్నారో ఏమో.. 60వేల మెజారిటీతో గెలిపించిన స్థానాన్ని రేండేళ్లకే లాగేసుకున్నారు. కేసీఆర్ అన్న మాటలేంటి.. వాటి పర్యవవసనాలను పరిశీలిస్తే..
బీజేపీపై వ్యతిరేకత లేదనే అర్ధమా..?
బీజేపీ ఒంటెద్దుపోకడలు, మోదీ-షా నిరంకుశత్వం, వ్యవసాయ బిల్లుపై వ్యతిరేకత.. ఇవన్నీ బీజేపీని సాకుగా చూపాయి రాజకీయ పార్టీలు. కానీ.. దుబ్బాకలో బీజేపీ విజయదుందుభి మోగించింది. ఈ ఎన్నికలకు ముందు కేసీఆర్ ఫెడరల్ ఫ్రంట్ కోసం ప్రణాళికలు వేస్తున్నారని వార్తలు వచ్చాయి. కేంద్రం తీసుకొచ్చిన వ్యవసాయ బిల్లును కేసీఆర్ వ్యతిరేకించారు. కేంద్రం తీరును తప్పుబట్టారు. బిల్లుకు మద్దతు ఇచ్చిన ఏపీ సీఎంపై మంత్రి హరీశ్ వ్యతిరేక వ్యాఖ్యలు చేశారు. దుబ్బాకలో లక్ష మెజారిటీ బాధ్యత నాది అన్నారు. ఈ పరిస్థితులన్నిటికీ దుబ్బాక ప్రజలు ఓటుతోనే సమాధానం చెప్పారు. వ్యవసాయ బిల్లు, మోదీ-షా నిరంకుశత్వం, బీజేపీ ఆధిపత్యం వారికి కనపడలేదు. రాష్ట్ర నాయకత్వంపై తామెంత విసుగు చెందారో అదొక్కటే మనసులో పెట్టుకున్నట్టున్నారు.
ప్రజలతో పెట్టుకుంటే అంతేనా..
గత ఏడాది ఇంటర్మీడియట్ విద్యార్ధుల ఆత్మహత్యలు, సచివాలయం కూల్చివేత, కరోనా కట్టడిపై ప్రభుత్వం వ్యవహరించిన తీరు.. ఇవన్నీ టీఆర్ఎస్ వైపు వీచిన వ్యతిరేక పవనాలే. టీఆర్ఎస్ ప్రభుత్వంపై తెలంగాణలో పెరుగుతున్న వ్యతిరేకతకు దుబ్బాక ప్రజలు తమ ‘ఓటు’తో చూపించినట్టైంది. ఇక కేసీఆర్ మాటలను దుబ్బాక ప్రజలు తీసుకున్న తీరును ప్రస్తావిస్తే.. ‘బీజేపీ మాటలకు.. వారికొచ్చిన ఓట్లకు పొంతన ఉందా’ అని 2018 ఎన్నికల్లో విజయం తర్వాత సీఎం కేసీఆర్ వ్యాఖ్యానించారు. ‘జల్సా’ సినిమాలోని ఓ సన్నివేశంలో.. నేనేదో సరదాగా అన్నాన్రా అని పవన్ కల్యాణ్ తో ప్రకాశ్ రాజ్ అంటే.. ‘నేను సీరియస్ గా తీసుకున్నాను.’. అని పవన్ రిప్లై ఇస్తాడు. దుబ్బాకలో ప్రకాశ్ రాజ్ ఎవరో.. పవన్ కల్యాణ్ ఎవరో ఇక్కడ చెప్పక్కరలేదనుకుంటా..!
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?