Andhra Pradesh: సిపిఐ సీనియర్ నేత మాజీ ఎమ్మెల్యే కాకర్లపూడి సుబ్బరాజు విజయవాడలో తన సొంత నివాసంలో గుండెపోటుతో మృతి చెందారు. ఉమ్మడి ఆంధ్రప్రదేశ్ రాష్ట్రంలో సీపీఐ రాష్ట్ర కార్యవర్గ సభ్యునిగా పనిచేసిన సుబ్బరాజు విజయవాడ డిప్యూటీ మేయర్ గా కూడా పని చేయడం జరిగింది. దీంతో ఆయన మృతి పట్ల ఇతర రాజకీయ పార్టీల నేతలు సంతాపం వ్యక్తం చేశారు. సిపిఐ పార్టీలో వివిధ అనుబంధ సంఘాలలో అనేక పదవులు అధిరోహించటం జరిగింది.
దీంతో కాకర్లపూడి సుబ్బరాజు మృతి పట్ల సిపిఐ రాష్ట్ర కార్యదర్శి కె రామకృష్ణ సంతాపం వ్యక్తం చేశారు. సుబ్బరాజు మరణం కమ్యూనిస్టు ఉద్యమానికి తీరని లోటని స్పష్టం చేశారు. ఆయన కుటుంబ సభ్యులకు ప్రగాఢ సానుభూతి తెలియజేస్తున్నట్లు పేర్కొన్నారు. ఇదిలా ఉంటే సుబ్బరాజు కొడుకు మరియు కూతురు అమెరికాలో ఉండటంతో ఆయన భౌతికకాయాన్ని మార్చురీలో ఉంచారు. 1994లో విజయవాడ పశ్చిమ నియోజకవర్గం ఎమ్మెల్యేగా విజయం సాధించడం జరిగింది. కుమార్తె కుమారుడు వచ్చిన వెంటనే అంత్యక్రియలు చేయబోతున్నట్లు కుటుంబ సభ్యులు తెలిపారు.
