భూమి మీద మానవ జీవితాన్ని ప్రశ్నార్థకంగా మార్చేసిన మహమ్మారి వైరస్ నుండి మమ్మల్ని ఎవరు రక్షిస్తారు అన్ని ప్రపంచ దేశాలు ఎదురు చూస్తున్నాయి. ఇటువంటి తరుణంలో ప్రపంచానికి గుడ్ న్యూస్ చెప్పింది ఆక్స్ఫర్డ్ యూనివర్సిటీ. కరోనా వ్యాక్సిన్ ఫలితాలు అధ్యయనం చేసి వెల్లడించింది. ఫేజ్ 1 క్లినికల్ ట్రయల్స్ రిజల్ట్స్ ప్రకటించింది. ఆస్ట్రేజేనేకా వ్యాక్సిన్ వైరస్ ని బాగా తట్టుకుంటూన్నట్లు సమర్థవంతంగా ఎదుర్కొంటున్నట్లు ఆక్స్ఫర్డ్ ప్రకటించింది. ఈ ఆస్ట్రేజేనేకా వ్యాక్సిన్ ఇమ్యూనిటీ పవర్ ని పెంచుతుంది అని తెలిపింది.
ఏప్రిల్ 23 నుంచి మే 21 వరకు మొదటి విడత క్లినికల్ ట్రయల్స్ నిర్వహించింది. ఈ వ్యాక్సిన్ ఇచ్చిన వారి శరీరంలో యాంటీ బాడీస్ వైట్ సెల్స్ పెరిగినట్లు ఫలితాలు వచ్చినట్లు ఆక్సఫర్డ్ యూనివర్సిటీ ప్రకటించింది. అంతేకాకుండా ప్రస్తుతం మూడో దశ క్లినికల్ ట్రయల్స్ జరుగుతున్నాయని, రెండో విడత ట్రైన్స్ ఫలితాలు త్వరలో ప్రకటించనున్నట్లు ఆక్సఫర్డ్ తెలిపింది. యూనివర్సిటీ ఆక్వ్ ఫోర్డ్ ట్విట్టర్ లో ఈ విషయాన్ని తెలియజేయడంతో… ప్రపంచమంతా ఊపిరిపీల్చుకుంది. మరోపక్క కరోనా వ్యాక్సిన్ విషయంలో అమెరికా, బ్రిటన్, ఇండియా చేస్తున్న ప్రయోగాలు కూడా సత్ఫలితాలు ఇస్తున్నాయి. మొత్తం మీద చూస్తే ఈ ఏడాది చివరిలో కరోనా వ్యాక్సిన్ అందుబాటులోకి వచ్చే అవకాశం ఉన్నట్లు అంతర్జాతీయ స్థాయిలో వార్తలు వినబడుతున్నాయి.