Hyderabad : హైదరాబాద్ నగర ప్రజలకు అదిరిపోయే గుడ్ న్యూస్ చెప్పిన తెలంగాణ ఆర్టీసీ..!!
Hyderabad : అంతర్జాతీయ స్థాయిలో హైదరాబాద్ నగరానికి ఒక పేరు ఉన్న సంగతి తెలిసిందే. మెట్రో ఇంకా అనేక రకాల రవాణా సదుపాయాలు హైదరాబాదులో ఉండటంతో చాలా వరకు హైదరాబాద్ స్పెషాలిటీ ఇంటర్నేషనల్ స్థాయిలో మారుమ్రోగుతూ ఉంటది. ఇటువంటి తరుణంలో తెలంగాణ ఆర్టీసీ నగర ప్రజలకు అదిరిపోయే గుడ్ న్యూస్ తెలిపింది. మేటర్ లోకి వెళ్తే నిజాం టైంలోనే నగరంలో డబుల్ డెక్కర్ బస్సులు ఉన్నా సంగతి తెలిసిందే. అయితే రాను రాను ఆ బస్సులు కాలక్రమేణా కనుమరుగవడం జరిగింది. ఇదిలా ఉంటే మళ్ళీ డబుల్ డెక్కర్ బస్సులు హైదరాబాద్ నగరంలో పునరుద్ధరించడానికి తెలంగాణ ఆర్టీసీ రెడీ అయినట్లు రవాణా శాఖ మంత్రి పువ్వాడ అజయ్ కుమార్ తెలిపారు. నగరంలో పురాతన కట్టడాలను వీక్షించడానికి దాదాపు 50 డబుల్ డెక్కర్ బస్సుల్ని అందుబాటులోకి తీసుకురావాలని మంత్రి కేటీఆర్ స్పష్టం చేసినట్లు, ఈ విషయం గురించి ఆర్టీసీ ఎండీ తో మాట్లాడుతున్నట్లు మంత్రి పువ్వాడ స్పష్టం చేశారు. అంతేకాకుండా ఏయే ప్రాంతాలలో ఈ బస్సులో తిరగడానికి పరిస్థితులు అనుకూలంగా ఉంటాయన్న దాని విషయంలో రూట్ మ్యాప్ సిద్ధమైనట్లు కూడా చెప్పుకొచ్చారు. దీంతో రాబోయే రోజుల్లో హైదరాబాద్ నగరంలో మళ్లీ డబుల్ డెక్కర్ బస్సులు వస్తున్నట్లు వార్తలు రావడంతో నగర ప్రజలు సంతోషం వ్యక్తం చేస్తున్నారు.