చంద్రగిరి: చంద్రగిరి నియోజకవర్గంలో నామినేషన్ వేసిన స్వతంత్ర అభ్యర్థిపై వైసిపి ఎమ్మెల్యే చెవిరెడ్డి భాస్కర్ రెడ్డి అనుచరులు దౌర్జన్యం చేసినట్లు సమచారం.
చంద్రగిరి స్వతంత్ర అభ్యర్థిగా కె.భాస్కర్ రెడ్డి నామినేషన్ దాఖలు చేశారు. ఇద్దరి పేర్లు ఒకటే కావటంతో ఓట్లు చీలిపోతాయనీ, నామినేషన్ ఉపసంహరించుకోవాలనీ ఎమ్మెల్యే అనుచరులు బెదిరింపులకు పాల్పడుతున్నారని స్వతంత్ర అభ్యర్ధి భార్య గీత ఆరోపిస్తున్నారు.
నామినేషన్ వెనక్కి తీసుకోకపోతే చంపేస్తామంటూ బెదిరిస్తున్నారని గీత పేర్కొన్నారు. ఎమ్మార్ పల్లి పోలీస్ స్టేషన్‌లో చెవిరెడ్డి భాస్కర్ రెడ్డిపై గీత ఫిర్యాదు చేశారు.
తమ కుటుంబానికి రక్షణ కల్పించమని భాస్కర్ రెడ్డి (స్వతంత్ర అభ్యర్థి) కుటుంబ సభ్యులు పోలీసులను కోరారు.
