కర్నూలు: కర్నూల్ జిల్లా జోహారాపురంలో హంద్రీనీవా బ్రిడ్జి పనులను గురువారం జనసేన అధినేత పవన్ కళ్యాణ్ పరిశీలించారు. అనంతరం కర్నూలు శివారులో జీ ప్లస్ 2 గృహాలను ఆయన పరిశీలించారు. అక్కడి స్థానికుల సమస్యలను అడిగి తెలుసుకున్నారు. మధ్యాహ్నం ఎమ్మిగనూరులో చేనేత కార్మికులతో పవన్ ముఖాముఖి నిర్వహించనున్నారు. రెండు రోజుల పర్యటనలో భాగంగా నిన్న జిల్లాకు వచ్చిన పవన్ కళ్యాణ్.. గిరిజన బాలిక సుగాలి ప్రీతి మృతికి కారకులైన వారిని గుర్తించేందుకు కేసు సిబిఐ దర్యాప్తునకు అప్పగించాలని డిమాండ్ చేసిన విషయం తెలిసిందే. ఆ బాలిక కుటుంబానికి న్యాయం చేయాలని కోరుతూ జనసేన ఆధ్వర్యంలో భారీ ర్యాలీ నిర్వహించారు.
