Rama Rao: రామారావు Rama Rao ఎన్టీఆర్ మనవడిగా ప్రయాణం ప్రారంభించి జూనియర్ ఎన్టీఆర్, ఎన్టీఆర్, తారక్.. ఇప్పుడు రామారావు. ఇటివల ఆయన.. మీ ‘రామారావు’ అన్నారు. ఈ పలుకులోనే చాలా ఉంది అని చెప్పాలి. పైన చెప్పినట్టు ఇన్నేళ్లూ అనేక పేర్లతో పిలిపించుకున్న ఎన్టీఆర్ ఇప్పుడు ‘రామారావు’గా మారిపోయారు. ఇదీ ఎన్టీఆర్ మనవడు, హరికృష్ణ తనయుడిగా ఎంట్రీ ఇచ్చిన హీరో ఎన్టీఆర్ ప్రస్థానం. చిన్న వయసులోనే హీరోగా ఎంట్రీ ఇచ్చి చిన్న వయసులోనే స్టార్ హీరోగా మారిపోయాడు. ఎన్టీఆర్ కు ఫ్యామిలీ బ్యాక్ గ్రౌండ్ కంటే.. తన నటనా ప్రతిభే ఎదిగాడని చెప్పాలి. సినిమాల్లో సాధించిన స్టార్ డమ్ తో ఎన్టీఆర్ పై ప్రజల్లో అంచనాలు పెరిగిపోయాయి. 2009 ఎన్నికల ప్రచారంలో తానేంటో నిరూపించుకున్నాడు. అప్పటినుంచీ ఎన్టీఆర్ పై రాజకీయాల్లోకి రావాలనే ఒత్తిడి కూడా పెరిగింది. ఇప్పుడు మరింతగా వస్తోంది.
ఇలా ప్రతిసారీ రాజకీయాల్లో ఎన్టీఆర్ పేరు ప్రముఖంగా వినిపిస్తోంది. ప్రతిసారీ టీడీపీలో నాయకుల అంతర్మధనంలో, కార్యకర్తలు, అభిమానుల మనోగతంలో ఎన్టీఆర్ టీడీపీ పగ్గాలు చేపట్టాలనే డిమాండ్లే వస్తున్నాయి. రీసెంట్ గా ఓ టీవీ షో ప్రమోషన్ లో భాగంగా రాజకీయాలపై ఎన్టీఆర్ కు ఎదురైన ప్రశ్నకు.. ‘ఇది సమయమూ కాదు.. సందర్భమూ కాదు’ అన్నారు. ప్రోగ్రామ్ లాస్ట్ లో మీ ‘రామారావు’ అన్నారు. సినిమాల్లో, టీవీలో రాణిస్తూ.. రాజకీయాలపై సమాధానం దాటవేసినా.. మీ ‘రామారావు’ అనే మాటలోనే సమాధానం ఉన్నట్టు చెప్పాలి. ఎన్టీఆర్ అభిమానులు ఇదే చర్చించుకుంటున్నారు. ఇప్పట్లో ఎన్టీఆర్ రాజకీయాల్లోకి రారనేది స్పష్టం. ఇప్పుడిప్పుడే ‘రామారావు’గా మారిన ఈ హీరో భవిష్యత్ లో ఏం చేస్తారో చూడాల్సిందే. గతంలో ఎన్టీఆర్ పై వచ్చిన ఒత్తిడి, పెరిగిన అంచనాలను పరిశీలిస్తే..
2012లో ఎన్టీఆర్ వైసీపీలోకి వెళ్తారు అనే వార్తలకు ‘నేను టీడీపీ వైపే ఉంటాను.. అని పబ్లిగ్గా అనౌన్స్ చేశారు. ఆమధ్య 2017-18 సమయంలో చంద్రబాబు ఏపీ సీఎంగా ఉన్న సమయంలో తెలంగాణ టీడీపీ నిర్వహించిన సమావేశంలో ఎన్టీఆర్ ను తెలంగాణ అధ్యక్షుడిగా చేయాలనే డిమాండ్ వచ్చింది. ఇక రీసెంట్ గా ‘ఎన్టీఆర్.. 2024 ఏపీ సీఎం’ అని ప్రకాశం జిల్లాలో వెలసిన ఓ ఫ్లెక్సీ రాష్ట్రంలో తీవ్ర కలకలం రేపింది. పంచాయతీ ఎన్నికల్లో ఓటమి తర్వాత చంద్రబాబు కుప్పం పర్యటనకు వెళ్లారు. ఆ సమయంలో కూడా ఎన్టీఆర్ ను పార్టీలోకి తీసుకురావాలని చంద్రబాబుకు కార్యకర్తల నుంచి డిమాండ్ ఎదురైంది.
