ప్రముఖ నటుడు, ఫిలిం క్రిటిక్ కత్తి మహేష్ ని సైబరాబాద్ పోలీసులు ఇటీవల అరెస్టు చేశారు. హిందువుల దైవం శ్రీ రాముడి పై ఫేస్ బుక్ లో అసభ్య పోస్టులు పెట్టినట్లు పోలీసుల విచారణలో తేలడం తో…
కత్తి మహేష్ తో పాటు మరి కొందరిని అదుపులోకి తీసుకున్నారు. కత్తి మహేష్ ను నాంపల్లి కోర్టులో హాజరుపరిచారు. అనంతరం వైద్య పరీక్షలు కూడా నిర్వహించి రిమాండ్ కి పంపించారు.సోషల్ మీడియాలో ఎప్పుడూ వివాదాస్పద వ్యాఖ్యలు చేస్తూ వార్తల్లో నిలిచే కత్తి మహేష్ ప్రస్తుతం రిమాండ్ కి వెళ్లడంతో…. ఆయన చేస్తున్న”రాంగోపాల్ వర్మ” సినిమా షూటింగ్ ఆగిపోయింది.
ప్రభు దర్శకత్వంలో చేస్తున్న ఈ సినిమాలో కత్తి మహేష్ తో పాటు షకలక శంకర్ కూడా నటిస్తున్నారు. గత కొన్ని రోజుల నుండి ఈ సినిమా షూటింగ్ సాగర్ సొసైటీలోని డి.ఎస్.రావు భవనంలో జరుపుకుంటుంది. అయితే తాజాగా శ్రీరాముడి పై కత్తి మహేష్ సోషల్ మీడియాలో కామెంట్లు చేశారన్న ఆరోపణలతో అరెస్ట్ అవ్వడం తో “ఆర్జివి” సినిమా ఆగిపోవాల్సి వచ్చింది.
