Rahul KTR: డాషింగ్ డైరెక్టర్ పూరి జగన్నాథ్ కెరీర్ లో “ఇడియట్” సూపర్ డూపర్ హిట్ అయిన సంగతి తెలిసిందే. ఆ సినిమాలో హీరోగా నటించిన రవితేజ విలన్ ప్రకాష్ రాజ్ నీ ఉద్దేశించి.. సిటీకి కమిషనర్ లు ఎంతోమంది వస్తారు పోతారు.. చంటిగాడు లోకల్ ఎప్పుడు ఇక్కడే ఉంటాడు.. అని చెప్పే డైలాగ్ ఇప్పటికీ కూడా హైలెట్. ఇప్పుడు ఇదే డైలాగ్ తరహాలో.. కేటీఆర్ రాహుల్ గాంధీ పై కామెంట్లు చేయడం జరిగింది. మేటర్ లోకి వెళ్తే తెలంగాణలో కాంగ్రెస్ కీలక నేత రాహుల్ గాంధీ పర్యటిస్తున్న సంగతి తెలిసిందే.
పర్యటనలో భాగంగా రాహుల్ గాంధీ వరంగల్ జిల్లాలో భారీ బహిరంగ సభలో పాల్గొన్నారు. పరిస్థితి ఇలా ఉంటే రాహుల్ గాంధీ పర్యటన పై టిఆర్ఎస్ పార్టీ వర్కింగ్ ప్రెసిడెంట్ మంత్రి కేటీఆర్.. సోషల్ మీడియా వేదికగా సింగిల్ లైన్ తో సంచలన డైలాగ్ కామెంట్ రూపంలో పెట్టారు. పొలిటికల్ పర్యాటకులు వస్తుంటారు వెళుతుంటారు.. కానీ కేసీఆర్ ఎప్పుడు తెలంగాణలోనే ఉంటారు అని.. ఇడియట్ సినిమా డైలాగ్ రూపంలో కేటీఆర్ పేర్కొన్నారు. అంతకు ముందు గురువారం నాడు బీజేపీ జాతీయ అధ్యక్షుడు జేపీ నడ్డా.. తెలంగాణ పర్యటనకు వచ్చారు.
తెలంగాణ బిజెపి అధ్యక్షుడు బండి సంజయ్ పాదయాత్ర తొలిదశ ముగింపు సందర్భంగా మహబూబ్ నగర్ లో ఏర్పాటు చేసిన బహిరంగ సభలో హాజరయ్యారు. ఈ క్రమంలో శుక్రవారం ప్రెస్ పార్టీ అగ్రనేత రాహుల్ గాంధీ తెలంగాణలో పర్యటన చేపట్టడం జరిగింది. దాదాపు రెండు రోజుల పాటు రాష్ట్రంలో పర్యటించనున్నారు. శనివారం హైదరాబాదులో రాహుల్ పర్యటిస్తున్నారు. ఈ సందర్భంగా జేపీ నడ్డా, రాహుల్ పర్యటన లపై కేటీఆర్ .. తనదైన శైలిలో రియాక్ట్ అయ్యారు.