Israel: మిడిల్ ఈస్ట్ లో ఎప్పుడూ ఏదో ఒక దేశం మధ్య గొడవలు జరుగుతూనే ఉంటాయి. ప్రప్రథమంగా ఇజ్రాయెల్ పాలస్తీనా ల మధ్య నిత్యం గొడవలు జరుగుతూ ఉంటాయి. ఇటీవల గత పది రోజులకు పైగా హామస్ అనే సంస్థకు చెందిన తీవ్రవాదులు గాజా ప్రాంతం నుండి దాదాపు నాలుగువేల రాకెట్లు ఇజ్రాయిల్ పౌరులు నివసిస్తున్న ఇళ్లపై దాడులు చేయడం జరిగింది. అయితే చాలా వరకు ఇజ్రాయిల్ ఐరన్ డోమ్ రాకెట్ల గాలిలోనే నిర్వీర్యం చేయటంతో చాలావరకు ప్రాణనష్టం తప్పింది. అయితే ఈ క్రమంలో కొన్ని రాకెట్లు నేరుగా ఇజ్రాయిల్ పౌరులు నివసిస్తున్న ఇళ్లపై పడటంతో కొంత మంది మరణించడం జరిగింది.
దీంతో తీవ్రవాదులపై ప్రతి దాడులు చేసిన ఇజ్రాయిల్ .. ఉగ్రవాదులను ఏరివేతలో భాగంగా భారీగా గాజా ప్రాంతంపై వైమానిక దాడులు చేసి … టెర్రరిస్టులకు సంబంధించి సొరంగాలను ధ్వంసం చేసింది. ఈ పరిణామంతో అరబ్బు దేశాలు ఇజ్రాయెల్ దేశం పై గొడవకు దిగడానికి రావటంతో మధ్య ఆసియా లో యుద్ధమేఘాలు అలుముకున్నాయి. సాధారణంగా ఇజ్రాయెల్ దేశాన్ని టచ్ చేయాలి అని అనుకునే అరబ్బు దేశాలు చాలావరకు అమెరికా దేశాన్ని చూసి భయపడతాయి. డొనాల్డ్ ట్రంప్ అధ్యక్షుడిగా ఉన్న సమయంలో ఇజ్రాయిల్ దేశం వైపు కన్నెత్తి చూడలేదు అరబ్బు దేశాలు. అయితే ప్రస్తుతం కొత్త అధ్యక్షుడు జో బైడెన్ వైఖరి ఇజ్రాయెల్ కి వ్యతిరేకంగా ఉన్నట్లు అంతర్జాతీయ స్థాయిలో మొదటి నుండి వార్తలు వస్తున్నాయి.
కాగా ప్రస్తుతం ఇజ్రాయెల్ దేశం పై అరబ్బు దేశాలు వ్యతిరేకంగా ప్లాన్స్ వేస్తున్న తరుణంలో తాజాగా అమెరికా అధ్యక్షుడు జో బైడెన్ చేసిన వ్యాఖ్యలను బట్టి చూస్తే ఇజ్రాయిల్ దేశానికి అతను వ్యతిరేకి అన్న తరహాలో ఇంటర్నేషనల్ మీడియాలో వార్తలు వస్తున్నాయి. మేటర్ లోకి వెళ్తే ఇజ్రాయిల్- పాలస్తీనా మధ్య వివాదాలు వారే పరిష్కరించుకోవాలని .. మధ్యలో ఎవరూ కలుగజేసుకోరాని కరాఖండిగా చెప్పారు. చాలావరకు ఇజ్రాయెల్ దేశానికి అంటీ అంటనట్టు గా గత అధ్యక్షులకు భిన్నంగా జో బైడెన్ తాజా కామెంట్లు ఉన్నాయి. ఈ పరిణామంతో మధ్య ఆసియా లో ఇజ్రాయెల్ దేశం పై అరబ్బు దేశాలు దాడి చేసే అవకాశం ఉన్నట్లు వార్తలు వస్తున్నాయి.
ఇప్పటికే పాలస్తీనా కి లెబనాన్, టర్కీ, పాకిస్తాన్ దేశాలు మద్దతు తెలిపాయి. ఈ క్రమంలో మరికొన్ని ముస్లిం దేశాలు ఏకమయ్యే పరిస్థితి ఉందని .. ఇజ్రాయిల్ దేశం పై కచ్చితంగా దాడులు రాబోయే రోజుల్లో మరింతగా జరిగే అవకాశం ఉందని విశ్లేషకులు అంటున్నారు. అమెరికా సపోర్ట్ వుండటంతో చాలా వరకు ఇజ్రాయెల్ చుట్టుపక్కల ముస్లిం దేశాలు .. ఇజ్రాయిల్ తో కయ్యానికి రావాలంటే మొన్నటి వరకు భయపడ్డాయి. కానీ అమెరికా కొత్త అధ్యక్షుడు వైఖరికి వ్యతిరేకంగా ఉండటంతో..అరబ్ ముస్లిం దేశాలన్నీ ఏకమవుతున్నట్లు తాజా పరిణామాలను బట్టి అర్థమవుతోంది. దీంతో అరబ్బు దేశాలు ఒక్కసారిగా దాడి చేస్తే ఇజ్రాయెల్ ఏవిధంగా ఎదుర్కొంటుంది అనేది ఉత్కంఠగా మారింది.
