No Salaries: రెండు తెలుగు రాష్ట్రాలలో ప్రభుత్వ ఉద్యోగుల పరిస్థితి దారుణంగా ఉంది. రెండు వారాలు అయినాగానీ జీతాలు ప్రభుత్వాలు చెల్లించకపోవడంతో.. ప్రభుత్వ ఉద్యోగస్తులు అనేక అవస్థలు పడుతున్నారు. ధనిక రాష్ట్రమని చెప్పుకునే తెలంగాణ రాష్ట్రంలో కూడా ప్రభుత్వ ఉద్యోగస్తులకు పదవ తారీకు దాటిన గాని జీతాలు ఆలస్యం కావడంతో ఉగాది పండుగ దృష్ట్యా మొదటి తారీఖున వస్తాయని భావించిన ఉద్యోగులకు.. ఇప్పటికి కూడా జీతాలు రాక పోవడంతో.. వారిలో ఆందోళన నెలకొంది. దీంతో ఎప్పుడూ ప్రభుత్వం జీతాలు ఎకౌంట్ లో వేస్తుందో అని తరచుగా సెల్ ఫోన్ మెసేజ్ లు చెక్ చేసుకుంటున్నారు. మరోపక్క ఆర్థిక శాఖ అధికారులు ఆర్బీఐ నుండి తీసుకున్న అప్పు వచ్చిన తర్వాతే జీతాలు చెల్లించే పరిస్థితి ఉన్నట్లు స్పష్టం చేస్తున్నారు.
ఈ పరిణామంతో మరో వారం రోజులు పట్టే అవకాశం ఉన్నట్లు వార్తలు వస్తున్నాయి. బడ్జెట్ ఇయర్ ముగిసే సమయానికి.. తెలంగాణ ప్రభుత్వం జీతాలు చెల్లించకపోవడంతో ఉద్యోగులలో తీవ్ర అసంతృప్తి వ్యక్తమవుతోంది. గత నెలలోనే దాదాపు 2.56 లక్షల కోట్ల బడ్జెట్ అసెంబ్లీలో ప్రవేశపెట్టగా.. మొదటి ఫైనాన్షియల్ ఇయర్ లోనే జీతాలు చెల్లించకపోవడం పట్ల తీవ్ర అసంతృప్తి వ్యక్తం చేస్తున్నారు. రాష్ట్రంలో ముప్పై మూడు జిల్లాలకు గాను 14 జిల్లాల లోని ఉద్యోగులకు, టీచర్లకు మాత్రమే జీతాలు జమ కాగా మరో 19 జిల్లాలలో ఉన్న ఉద్యోగులకు జీతాలు అందకపోవటంతో .. అనేక ఇబ్బందులు ఎదుర్కొంటున్నారు.
దాదాపు రెండు లక్షల కోట్లకు పైగా భారీ బడ్జెట్ అసెంబ్లీలో ప్రవేశపెట్టిన తర్వాత నెలలోనే ప్రభుత్వ జీతాలు ఇవ్వడానికి.. ఇంతగా ప్రభుత్వం ఇబ్బంది పడటంతో.. మిగతా నెలలో ఏ విధంగా ప్రభుత్వం జీతాలు చెల్లిస్తుంది అన్నది ఇప్పుడు ప్రభుత్వ ఉద్యోగస్తులకు పెద్ద క్వశ్చన్ మార్క్ గా మిగిలిపోయింది. ప్రభుత్వ ఉద్యోగస్తులకు మరియు టీచర్లకు ప్రతి నెల జీతాలు చెల్లించడానికి రెండు వేల… కోట్లకు పైగా.. ఖర్చు పెట్టే.. పరిస్థితి ఉండటంతో పాటు పెన్షనర్లకు నెలకు 1400 కోట్లు ఖర్చు పెట్టనున్న క్రమంలో.. నెలకి జీతాలు.. పెన్షన్ల కోసం మొత్తం నాలుగు వేల కోట్లు అవుతున్నాయి. ఈ లెక్కన ఏడాదికి 48 వేల కోట్ల రూపాయలు.. జీతాలు పెన్షన్లు రూపంలో వెళ్ళి పోతున్నాయి. బడ్జెట్ ప్రవేశ పెట్టిన తర్వాత నెలలోనే ఈ విధంగా ఉంటే మరి రాబోయే రోజుల్లో ప్రభుత్వం జీతాలు ఏవిధంగా ఇస్తుందన్నది అర్థం కాని ప్రశ్నగా మిగిలిపోయింది.
