తెలుగు రాజకీయాలలో చాణిక్య రాజకీయ నేతగా చంద్రబాబు గురించి సీనియర్లు చెబుతుంటారు. ప్రత్యర్థిని ముప్పుతిప్పలు పెట్టడంలో, ప్రజల నాడిని పట్టుకోవడంలో.. పరిస్థితులకు అనుగుణంగా చంద్రబాబు తీసుకునే నిర్ణయాలు ఫలితాలను ఒక్కసారిగా తారుమారు చేస్తాయని ఆయన గురించి చాలామంది చెబుతుంటారు. అటువంటి చంద్రబాబు మొదటిలో ఎన్టీఆర్ నీ దెబ్బ కొట్టడానికి తనకు అనుకూలంగా ఉండే పత్రికా యాజమాన్యాల తో కలిసి ఒక విషయాన్ని మసిపూసి మారేడు కాయ చేస్తూ తన మాస్టర్ మైండ్ తో పొలిటికల్ గేమ్ ప్లే చేసేవారు అనే టాక్ ఏపీ పొలిటికల్ వర్గాల్లో ఎప్పటినుండో ఉంది.
ఇదేవిధంగా వైఎస్సార్ పై కూడా బాబు వేసిన వ్యూహాలు కొన్ని సక్సెస్ అవగా, ఆ తర్వాత రంగంలోకి దిగిన జగన్ పై మాత్రం బాబు ప్రయోగిస్తున్న పొలిటికల్ వ్యూహాలు… ఆరోపణల ఆయుధాలు, బెడిసికొడుతున్నట్లు పరిశీలకుల మాట. వైయస్ చనిపోయిన తర్వాత జగన్ ని లక్ష కోట్లు దోచుకున్న దొంగ అని ప్రచారం చేయటంలో సక్సెస్ అయిన చంద్రబాబు ఆ తర్వాత రాజకీయంగా దెబ్బ కొట్టలేకపోయారు అని అంటున్నారు. ప్రతి విషయంలో చంద్రబాబు వేసిన బాణాలకు తనదైన శైలిలో జగన్ చెక్ పెట్టడం జరిగింది అని చెప్పుకొస్తున్నారు.
ఎలాంటి ఆరోపణలు చేసినా చట్టబద్దంగా ఎదుర్కోవడానికి జగన్ ముందుకు వెళ్లారు తప్ప ఎక్కడ కూడా స్టే తెచ్చుకున్న సందర్భాలు లేవని పేర్కొంటున్నారు. చాలా క్లియర్ కట్ గా గ్రౌండ్ స్థాయిలో ఉన్న కార్యకర్త కి కూడా తన విషయంలో ప్రత్యర్థులకు జవాబు చెప్పే విధంగా జగన్ రాజకీయం చేశారని అంటున్నారు. అందువల్లే చంద్రబాబు అప్పట్లో ప్రయోగిస్తున్న వ్యూహాలకి ప్రస్తుత తరానికి చెందిన జగన్ దొరకటం లేదని విశ్లేషిస్తున్నారు.
