చంద్రబాబు తనయుడిగా పార్టీ తరఫున ఎమ్మెల్సీగా ఎన్నికైన నారా లోకేష్ రావటం రావటం తోనే మంత్రి పదవి చేపట్టారు. తండ్రి క్యాబినెట్లో పార్టీలో గత ప్రభుత్వంలో రాణించిన లోకేష్ పబ్లిక్ లోకి వచ్చే సరికి సరైన రీతిలో రాణించలేని పరిస్థితి ఏర్పడింది. చాలా బహిరంగ సభలలో లోకేష్ మాట్లాడలేక నవ్వులపాలైన సందర్భాలు ఉన్నాయి. ఈ విధంగా రాణిస్తూ 2019 ఎన్నికలలో మొట్టమొదటిసారి ప్రజాక్షేత్రంలో పోటీకి దిగిన లోకేష్ మంగళగిరి నియోజకవర్గం నుండి ఎమ్మెల్యేగా పోటీ చేసి ఘోరంగా ఓడిపోయారు.
2019 ఎన్నికలలో ఓటమి చెందిన తర్వాత చాలావరకు సోషల్ మీడియా కి పరిమితమై పోతారు. ప్రతిపక్ష పార్టీ అయినా గాని పెద్దగా స్పందించిన దాఖలాలు లేవు. పైగా కరోనా వైరస్ రావడంతో హైదరాబాద్ కే పరిమితమైన లోకేష్ ఏదైనా ప్రభుత్వంపై విమర్శలు చేయాలంటే సోషల్ మీడియాలో పోస్ట్ పెడుతూ వస్తున్నారు. ఇలాంటి తరుణంలో మంగళగిరి నియోజకవర్గం ప్రజలు చిన్న బాబుని కలవరిస్తున్నారు. ముఖ్యంగా నియోజకవర్గం టిడిపి కార్యకర్తలు లోకేష్ నియోజకవర్గంలో అందుబాటులో లేకపోవడంతో చాలా అసహనం చెందుతూ జిల్లా టిడిపి అది నాయకుల దగ్గర గొడవ గొడవ చేస్తున్నారట.
ఇటువంటి తరుణంలో ప్రజాక్షేత్రంలో చిన్నబాబు అడుగు పెడితే బాగుంటుందని పార్టీ కార్యకర్తల నుండి వినబడుతున్న టాక్. చిన్న బాబు అసలు టిడిపి క్యాడర్ ని గతంలో లాగా పట్టించుకోవడం లేదు అనే విమర్శలు రాష్ట్రంలో చాలా ప్రాంతాల నుండి వస్తుంది. దీంతో ప్రస్తుత పరిస్థితుల్లో టీడీపీ క్యాడర్ ను పట్టించుకునే రీతిలో నారా లోకేష్ వ్యవహరిస్తే బాగుంటుందనే అభిప్రాయం టిడిపి సీనియర్ నాయకులలో కూడా నెలకొన్నట్లు సమాచారం.
