నెల్లూరు: ముఖ్యమంత్రి చంద్రబాబు తిరుపతి టిడిపి ఎంపి అభ్యర్థిగా మాజీ కేంద్ర మంత్రి పనబాక లక్ష్మి పేరును ప్రకటించారు. సోమవారం నెల్లూరులో జరిగిన ఎన్నికల ప్రచార సభలో పనబాక లక్ష్మి దంపతులు టిడిపిలో చేరారు. చంద్రబాబు వీరికి కండువా కప్పి పార్టీలోకి ఆహ్వానించారు.
కాంగ్రెస్ పార్టీ తరుపున పనబాక లక్ష్మి నాలుగు పర్యాయాలు లోక్ సభకు ప్రాతినిధ్యం వహించారు. మూడు పర్యాయాలు నెల్లూరు, ఒక పర్యాయం బాపట్ల నియోజకవర్గం నుంచి విజయం సాధించారు. పనబాక లక్ష్మి 2004 నుంచి 2014 వరకు కేంద్ర మంత్రిగా భాద్యతలు నిర్వర్తించారు.
మరో మాజీ ఎమ్మెల్యే కాటంరెడ్డి విష్ణువర్ధన్ రెడ్డి కూడా టిడిపిలో చేరారు.
విష్ణువర్ధన్ రెడ్డి 2004 లో కాంగ్రెస్ పార్టీ తరుపున ఆల్లూర్ నియోజకవర్గం నుంచి పోటీ చేసి గెలిచారు.
