Modi: 2014 సార్వత్రిక ఎన్నికలలో భారతదేశ ప్రధాని పదవి అందుకున్న మోడీ.. అతి తక్కువ టైమ్ లోనే అంతర్జాతీయస్థాయిలో తనకంటూ సెపరేట్ ఇమేజ్ క్రియేట్ చేసుకోవడం జరిగింది. మోడీ ప్రధాని అయ్యాక అనేక అంతర్జాతీయ పర్యటనలు చేపట్టి.. భారతదేశానికి కీర్తిప్రతిష్టలు మరింతగా పెంచటమే కాక అంతర్జాతీయ స్థాయిలో బలమైన దేశంగా మోడీ తీర్చిదిద్దడం జరిగింది.
ముఖ్యంగా దేశంలో మోడీ తీసుకున్న అనేక నిర్ణయాలు.. అంతర్జాతీయ స్థాయిలో ఒత్తిడి వస్తున్న కానీ వాటిని బేఖాతరు చేస్తూ దేశంలో అమలు చేయడం, అదే రీతిలో మహమ్మారి కరోనా ప్రపంచంలోకి వచ్చిన ప్రారంభంలో అనేక దేశాలకు అండగా ఉండటంతో మోడీ పేరు ప్రపంచ స్థాయిలో మారుమ్రోగింది. ఇదిలా ఉంటే ఇప్పటి వరకు భారత దేశానికి ప్రధాన మంత్రులు గా వ్యవహరించిన వారు ఎవరు సృష్టించిన రికార్డు తాజాగా మోడీ సృష్టించారు. విషయంలోకి వెళితే ఐక్యరాజ్యసమితికి ప్రధాని మోడీ.. అధ్యక్షత వహించనున్నారు.
స్వాతంత్రం వచ్చిన తర్వాత ఇప్పటివరకు భారత దేశానికి చెందిన ఏ ఒక్క ప్రధానికి ఈ ఘనత దక్కలేదు. ఐక్యరాజ్యసమితికి తొలిసారి మోడీ అధ్యక్షత వహించటం తో ఈ వార్త జాతీయ స్థాయిలో మాత్రమే కాక అంతర్జాతీయ స్థాయిలో హాట్ టాపిక్ అయింది. ఈ విషయాన్ని ఐరాస భారత దేశ మాజీ రాయబారి సయ్యద్ అక్బరుద్దిన్ తన ట్విట్టర్ ద్వారా తెలిపారు. వర్చువల్ విధానం ద్వారా ఈ సమావేశం జరగనుంది.