మెగాహీరో సాయిధరమ్ తేజ్ స్టార్టింగ్ లో ఇండస్ట్రీలో అడుగు పెట్టిన సమయంలో హిట్ కోసం అనేక పాట్లు పడ్డాడు. చివరాకరికి “చిత్రలహరి” అనే సినిమా రూపంలో ఈ మెగా మేనల్లుడికి విజయం వరించింది. స్టోరీలను ఎంచుకునే విషయంలో చాలా వైవిధ్యంగా ఆలోచించే సాయి ధరమ్ తేజ్ “ప్రతి రోజు పండగే” అనే సినిమా తర్వాత… చాలావరకు కమర్షియల్ స్టోరీలను లైట్ తీసుకున్నట్లు తెలుస్తోంది.
ప్రస్తుతం “సోలో బ్రతుకే సో బెటర్” అనే సరికొత్త లవ్ స్టోరీ తో జనాల ముందుకు రానున్నారు. ఇదిలా ఉంటే మెగా కాంపౌండ్ లో ఉన్న హీరోలు అందరికంటే సాయి ధరమ్ తేజ్ ఉన్న కొద్దీ వెనకబడి పోతున్న నేపథ్యంలో రామ్ చరణ్ రంగంలోకి దిగినట్లు సమాచారం. ఈ సందర్భంగా తేజు కోసం రామ్ చరణ్ రిస్క్ చేయడానికి రెడీ అయినట్లు మెగా కాంపౌండ్ లో టాక్ నడుస్తుంది.
పూర్తి విషయంలోకి వెళ్తే తేజు ని హీరోగా పెట్టి చరణ్ సినిమా చేయడానికి రెడీ అయినట్లు, సినిమా కూడా భారీ బడ్జెట్ తరహాలో ఉండేవిధంగా స్టోరీని స్వయంగా చరణ్ సెలెక్ట్ చేసినట్లు టాక్. అంతేకాకుండా ఇది ఒక అందమైన లవ్ స్టోరీ అని, త్వరలోనే ఈ సినిమాకి సంబంధించి పూర్తి విషయాలు అధికారికంగా ప్రకటించనున్నట్లు సమాచారం.
