Ukraine Russia War: రష్యా ఉక్రెయిన్ దేశాల మధ్య జరుగుతున్న యుద్ధం మూడో ప్రపంచ యుద్ధానికి దారితీసే అవకాశాలు ఉన్నట్లు వార్తలు వస్తున్నాయి. పాశ్చాత్య దేశాల కూటమి నాటో లో… జాయిన్ అవ్వడానికి ఉక్రెయిన్ అధ్యక్షుడు జెలెన్ స్కీ రెడీ అవటం … రష్యా అధ్యక్షుడు వ్లాదిమిర్ పుతిన్ కి తీవ్ర స్థాయిలో ఆగ్రహం తెప్పించింది. దీంతో గత కొద్ది రోజుల నుండి రష్యా బలగాలు.. ఉక్రెయిన్ ఆక్రమణ లక్ష్యంగా… దాడులకు పాల్పడుతున్నారు. సైనిక పరంగా ఆయుధ సంపత్తి పరంగా ఉక్రెయిన్ కంటే.. రష్యా చాలా బలమైన దేశం.
అయినా కానీ ఉక్రెయిన్ తో పోరాటం సమయంలో రష్యాకు చెందిన సైనికులు వేలల్లో మృత్యువాత పడటం అంతర్జాతీయ సమాజానికి ఆశ్చర్యాన్ని కలిగిస్తుంది. చాలావరకు రష్యాకు చెందిన సైనికులను ఉక్రెయిన్ నేలమట్టం చేస్తూ మృత్యువాత కు గురి చేస్తుంది. పైగా ఉక్రెయిన్ అధ్యక్షుడు జెలెన్ స్కీ… తుపాకీ వాడే నైపుణ్యం ఉంటే.. యుద్ధంలోకి రావొచ్చని సామాన్య జనులకు పిలుపునివ్వడంతో… దేశం కోసం పోరాటానికి ఉక్రెయిన్ పౌరులు స్వతహాగా వస్తున్నారు. ఈ క్రమంలో రష్యాకు చెందిన సైనికులనీ నేలమట్టం చేస్తున్నారు.
అయితే ఇక్కడ రష్యా సైనికులు… వేలల్లో మరణించడానికి గల కారణం.. చూస్తే.. ఉక్రెయిన్ పై పోరాడుతున్న రష్యన్ సైనికులు.. కొత్తగా నియమితులైన వారట. 20 నుండి 22 సంవత్సరాల వయసు లోపు ఉన్నవాళ్లే.. ఉక్రెయిన్ పై పోరాడటానికి దిగారట. దీంతో ఈ లేత వయసు సైనికులకు యుద్ధ నైపుణ్యం లేకపోవటంతో.. ఉక్రెయిన్ సైనికుల చేతుల్లో.. మృత్యువాత పడుతున్నారని .. అంతర్జాతీయ స్థాయిలో వార్తలొస్తున్నాయి. ఇదిలా ఉంటే ప్రస్తుతం యుద్ధం మరింత ఉద్రిక్తంగా మారటంతో.. పాటు మరోపక్క పశ్చిమ దేశాలు ఉక్రెయిన్ కి… మద్దతుగా రంగంలోకి దిగే పరిస్థితి ఉండటంతో.. ఉక్రెయిన్ రష్యా యుద్ధం ఏ వైపుగా దారితీస్తుందో అని మిగతా దేశాలు ఆందోళన చెందుతున్నాయి.
