రాజధాని రైతులకు మీరిచ్చే గిఫ్ట్ ఇదేనా?

అమరావతి: రాజధాని కోసం భూములను త్యాగం చేసిన రైతులపై హత్యాయత్నం కేసులు పెట్టి జైలులో పెట్టడంపై టీడీపీ ఎంపీ కేశినేని నాని తీవ్రంగా మండిపడ్డారు. సీఎం జగన్‌ని ఉద్దేశిస్తూ ఓ ట్వీట్ చేశారు. ‘‘రాజధాని నిర్మాణం కోసం తమ ప్రాణంతో సమానంగా చూసుకునే తమకు తరతరాలుగా వారసత్వంగా సంక్రమించిన భూమిని త్యాగం చేసిన రైతులకు మీరిచ్చే బహుమతి హత్యా యత్నం కేసులు పెట్టి జైలులో పెట్టటమా జగన్ అన్నా’’ అని నాని ట్వీట్‌లో పేర్కొన్నారు.

రాజధాని నిర్మాణం కోసం తమ ప్రాణం తో సమానంగా చూసుకునే తమకు తరతరాలుగా వారసత్వంగా సంక్రమించిన భూమిని త్యాగం చేసిన రైతులకు మీరిచ్చే బహుమతి హత్యా యత్నం కేసులు పెట్టి జైలులో పెట్టటమా జగన్ అన్నా@ysjagan pic.twitter.com/x3YT4Iz02z

— Kesineni Nani (@kesineni_nani) December 30, 2019

ఏపి రాజధానిని అమరావతి నుండి తరలించడానికి వీలులేదంటూ గత రెండు వారాలుగా రైతులు ఆందోళన చేస్తున్న నేపథ్యంలో ఆదివారం(డిసెంబర్ 29) వేకువజామున ఇళ్లల్లో సోదాలు జరిపి ఏడుగురు రైతులను పోలీసులు అదుపులోకి తీసుకున్నారు. వెంకటపాలెం గ్రామానికి చెందిన ముగ్గురు, మల్కాపురం గ్రామానికి చెందిన ఇద్దరిని, వెలగపూడి, నెక్కళ్లు గ్రామానికి చెందిన ఒక్కరు చొప్పున పోలీసులు అదుపులోకి తీసుకుని తెనాలి టూటౌన్ పోలీస్ స్టేషన్‌కు తరలించారు. పోలీసుల అదుపులో శివబాబు, నరేష్, సురేంద్ర, శ్రీనివాసరావు, నాగరాజు, లోకనాయక్, వెంకట స్వామి ఉన్నారు.

Mahesh

See Full Bio