కెసిఆర్ తన తెలివితేటలు, తన ప్రతిభాపాఠవాలు, తన పవర్ మొత్తం చూపించడానికి కరోనాను వాడుకున్నారు. కానీ కరోనానే కేసీఅర్ పై తన ప్రతిభ, తన పవర్, తన తెలివి మొత్తం చూపించి ఫాంహౌస్ లో పడుకోబెట్టింది. తీరా కరోనా గురించి మొత్తం తెలుసుకున్న తరువాత కేసీఅర్ మాటలు తగ్గాయి. చేతలు తగ్గాయి. మూటగట్టుకున్న మంచి పేరు తగ్గింది. పవర్ కూడా తగ్గిపోయే సమయానికి గవర్నర్ వచ్చారు. గవర్నర్ పవర్ చేజిక్కించుకొని కాస్త పావులు కదిపే సమయానికి మళ్లీ కేసీఆర్ నిద్రలేచారు. మొత్తానికి గవర్నర్ తమిళిసై మేల్కొని కరోనా పై సమీక్ష చేయాలనుకునే వరకు కెసిఆర్ ఫాం హౌస్ నుంచి రాలేకపోయారు. ఇదన్న మాట తెలంగాణలో కేసీఆర్ వర్సెస్ గవర్నర్ పరిస్థితి.
గవర్నర్ తమిళ్ సై కరోనా వైద్య సేవల పై సమీక్ష చేసిన చేయడంతో.. కేసీఅర్ అలెర్ట్ అయ్యారు. నష్ట నివారణ చర్యలు చేపట్టారు. కరోనా పరీక్షలు, చికిత్సల విషయంలో కీలక నిర్ణయాలు తీసుకున్నారు. అవి ఏమిటంటే.. కరోనా పరీక్షలు అన్ని ల్యాబ్ ల్లో ఉచితంగా చేయడం, ప్రైవేట్ ఆసుపత్రిల్లో కూడా ఉచితంగా కరోనా చికిత్సలు నిర్వహించడం. కేసీఅర్ తీసుకున్న ఈ నిర్ణయం పట్ల సర్వత్రా హర్షాతిరేకాలు వ్యక్తం అవుతున్నాయి. ఇదే నిర్ణయం నెల రోజుల ముందు తీసుకున్నట్లయితే ఇంకా బాగుండేది అని అంటున్నారు. బుధవారం నాడు కరోనాపై సమీక్ష సమావేశం నిర్వహించారు. ప్రైవేట్ ఆస్పత్రిలో ఉచితంగా కరోన చికిత్సలు అందించేలా ఉత్తర్వులు జారీ చేశారు. ముందుగా మూడు మెడికల్ కాలేజీల్లో, తర్వాత రాష్ట్రవ్యాప్తంగా ఉన్న మిగతా ఆస్పత్రులలో వైద్యం ఉచితంగా అందించేలా చర్యలు తీసుకోవాలని అధికారులను కెసిఆర్ ఆదేశించారు. ఓ పక్క కేసీఆర్ నిర్ణయానికి ప్రజల నుండి ప్రశంసలు వస్తుండగా, ప్రతిపక్షాలు మాత్రం విమర్శలు సంధిస్తూనే ఉన్నారు. గవర్నర్ రంగంలోకి దిగి వరకు కేసీఆర్ కు కరోనా పరిస్థితి అర్థం కాలేదా అని ప్రశ్నిస్తున్నారు.
