2019 ఎన్నికలకు సంవత్సరం ముందు గుంటూరు చిలకలూరిపేట నియోజకవర్గం లో అడుగుపెట్టిన విడుదల రజిని పొలిటికల్ గా ఆమె వేసిన అడుగులు ఏపీ రాజకీయాలలో సంచలనాలు గా మారాయి. చిలకలూరి నియోజకవర్గం మాజీ మంత్రి ప్రత్తిపాటి పుల్లారావు ని రాజకీయంగా ఎదుర్కొని వైసీపీ పార్టీ తరఫున ఎమ్మెల్యేగా గెలిచిన విడుదల రజిని అతి తక్కువ టైమ్ లోనే పార్టీలో ఫైర్ బ్రాండ్ గా మారింది. క్లిష్టసమయంలో కరోనా కాలంలో నియోజకవర్గ ప్రజలకు అన్ని విధాల సహాయం చేస్తూ మీడియాలో అందరినీ ఆకర్షించింది.
లాక్ డౌన్ సమయంలో ప్రజలను అలర్ట్ చేసి టెక్నికల్ గా సోషల్ మీడియా ద్వారా వారికి అందుబాటులో ఉంటూ ఎప్పటికప్పుడు వారి అవసరాలను తీర్చింది. దీంతో పార్టీలో స్ట్రాంగ్ లేడీ వారియర్ ఆఫ్ వైసిపి అనిపించుకునేలా విడుదల రజిని రాణించారు. నియోజకవర్గంలో అంతా తన మార్క్ పాలన ఉండే రీతిలో ఈమె వ్యవహరిస్తున్న తీరు ప్రస్తుతం వైసీపీ పార్టీలో పెద్ద చర్చనీయాంశంగా మారింది.
ప్రచారంలో ముఖ్యంగా సోషల్ మీడియాలో ఎప్పటికప్పుడు నియోజకవర్గానికి సంబంధించి జరుగుతున్న అభివృద్ధి పనులు ఫోటోలు వీడియోలు పోస్ట్ చేసి…. డిజిటల్ ప్రచారం ఓ రేంజ్ లో ఎక్కడ తగ్గకుండా చేసుకుంటూ పోతున్నారు. ఆమె వ్యవహరిస్తున్న తీరు బట్టి త్వరలోనే మంత్రివర్గంలోకి విడుదల రజిని రావడానికి పావులు కదుపుతున్నట్లు టాక్ పార్టీలో బలంగా వినబడుతోంది.
కానీ నియోజకవర్గంలో కొన్ని చోట్ల పోస్టర్లలో ఫ్లెక్సీలలో సీఎం వైఎస్ జగన్ ఫోటోలు కూడా పక్కనపెట్టి తనకే ప్రాధాన్యం అన్నట్టుగా వ్యవహరించటం ఆమెకి కొద్దిగా కేడర్ లో మైనస్ పాయింట్ అని నియోజకవర్గంలో ఉన్న వైసిపి మద్దతుదారులు అంటున్నారు. సరిగ్గా ఎన్నికలకు ఏడాది ముందు విదేశాలనుండి అడుగుపెట్టి డైరెక్ట్ పాలిటిక్స్ లో వచ్చిన విడుదల రజిని వైసీపీ తరఫున ఎమ్మెల్యేగా పోటీకి దిగి గెలిచి ఇప్పుడు ఎక్కడ జోరు తగ్గకుండా వ్యవహరించటం ఏపీ రాజకీయాల్లో కీలకంగా మారింది.
