Breaking: ఎట్టకేలకు ఆంధ్రప్రదేశ్(Andhra Pradesh) ప్రభుత్వం మూతపడిన థియేటర్ల విషయంలో కనికరం చూపించడం జరిగింది. ఇటీవల సినీ ఇండస్ట్రీకి చెందిన ఎగ్జిబిటర్లు.. డిస్ట్రిబ్యూటర్లు.. మంత్రి పేర్ని నాని(Perni Nani) తో భేటీ కావడం తెలిసిందే. అనంతరం ప్రభుత్వం తాజాగా… సినిమా ఇండస్ట్రీకి సంబంధించి.. పాజిటివ్ గా నిర్ణయం తీసుకోవడం సంచలనంగా మారింది. సరిగ్గా సంక్రాంతి సీజన్ పైగా పెద్ద సినిమాలు రిలీజ్ అవుతుండటంతో.. సినిమా ఇండస్ట్రీకి చెందిన ప్రముఖులు మంత్రి పేర్ని నాని తో భేటీ అయిన సమయంలో.. పరిస్థితి మొత్తం వివరించినట్లు టాక్.
సినిమా ఇండస్ట్రీ ఎగ్జిబిటర్లు మరియు డిస్ట్రిబ్యూటర్ల క్షేమం మేరకు మంత్రి పేర్ని నాని ఆదేశాలతో సీజ్ చేసిన.. సినిమా ధియేటర్లనీ రీ ఓపెన్ చేసుకోవడానికి.. ప్రభుత్వం అనుమతులు ఇవ్వడం జరిగిందట. నిబంధనలతో కట్టిన.. ఆంక్షలతో అన్ని సౌకర్యాలతో.. ఒక నెలలో సినిమా థియేటర్లు ఉండాలని.. ప్రభుత్వం సినిమా థియేటర్ల యాజమాన్యాలకి సూచించినట్లు సమాచారం. ఇటీవల ప్రభుత్వ యంత్రాంగం అధికారులు మరియు పోలీసులు తొమ్మిది జిల్లాల్లో చేపట్టిన తనిఖీలలో 83 సినిమా థియేటర్స్ మూతపడ్డాయి. అయితే ప్రస్తుతం ప్రభుత్వం పర్మిషన్ ఇవ్వడం తో.. మూతపడ్డ సినిమా ధియేటర్లు మళ్లీ తెరుచుకొనున్నాయి.