NewsOrbit
బిగ్ స్టోరీ రాజ‌కీయాలు

Trs : లాజిక్ మిస్సవుతోందా..? బీజేపీని ఢీ కొట్టాలంటే.. ఆ ముద్ర వేసుకోవాలా..?

Trs.. లాజిక్ మిస్సవుతోందా..? బీజేపీని ఢీ కొట్టాలంటే.. ఆ ముద్ర వేసుకోవాలా..?

Trs : లాజిక్ మిస్సవుతోందా..? బీజేపీని ఢీ కొట్టడానికి ఆ ముద్ర వేసుకోవడానికి సిద్ధపడుతోందా? ‘ముల్లుని ముల్లుతోనే తీయాలి.., పోగొట్టున్న చోటే వెతుక్కోవాలి..’ అనేవి సామెతలను నిజం చేయాలని టీఆర్ఎస్ Trs  చూస్తోంది. తెలంగాణపై ఆధిపత్యం పోతుందనే భయమో.. పోయిందనే అంతర్మధనమో కానీ.. టీఆర్ఎస్ ఫ్రస్ట్రేషన్ లో ఉందనే చెప్పాలి. ఏకులా ఉండే బీజేపీ తెలంగాణలో మేకై కూర్చుంది. కవిత, దుబ్బాక ఉప ఎన్నిక ఓటములు, జీహెచ్ఎంసీ దెబ్బ.. ఇవన్నీ టీఆర్ఎస్ కు బీజేపీ నేర్పిన గుణపాఠాలే. అయితే.. ఇవి సాధారణ ఓటములైతే పర్లేదు. కానీ.. బీజేపీ ఆడిన ‘మతం’ అనే మైండ్ గేమ్ కావడమే టీఆర్ఎస్ ను ఉక్కిరిబిక్కిరి చేస్తోంది. ఇప్పుడు అయోధ్య రామమందిర నిర్మాణంలో భాగంగా బీజేపీ వసూలు చేస్తున్న చందాలు కూడా తెలంగాణలో చర్చనీయాంశమైంది. ఇందుకు ఆజ్యం పోసుకుంటోంది.. రాజకీయ వివాదానికి తెర తీస్తోంది కూడా టీఆర్ఎస్సే కావడం గమనార్హం.

Trs wrong way to fight with bjp
Trs wrong way to fight with bjp

బీజేపీ అడుగులు అటేనా..

మత రాజకీయాలే అనాలో.. హిందూత్వం అనాలో గానీ.. బీజేపీ అడుగులు అటే ఉన్నాయి. 2015లో అమరావతి నిర్మాణం కోసం ప్రజలు స్వచ్ఛందంగా చందాలివ్వాలని అప్పటి సీఎం చంద్రబాబు పిలుపు ఇవ్వడమే తరువాయి ఇటుకను 10 రూపాయల చొప్పున ఎవరి స్థోమతను బట్టి వారు కొనేసి చందాల రూపంలో ఆన్ లైన్లో ఇచ్చారు. ఇప్పుడు అయోధ్య రామమందిర నిర్మాణానికి చందాలు ఇవ్వాలంటూ బీజేపీ ఇంటింటికీ వెళ్తోంది. ఈ అంశాన్నే టీఆర్ఎస్ తప్పుబడుతోంది. ‘శ్రీరాముడి పేరుతో బీజేపీ రాజకీయం చేస్తోంది. రామాలయం నిర్మాణం పేరుతో బీజేపీ నేతలు డబ్బులు వసూలు చేస్తున్నారు. దొంగ పుస్తకాలు, చందాల ముసుగులో దందాలకు పాల్పడుతున్నారు. ఒక్క తెలంగాణలోనే రూ.1000కోట్లు వసూలు చేయాలనే లక్ష్యం. ఇక దేశం మొత్తం మీద ఎంత వసూలు చేస్తారో. బీజేపీ నేతలు వసూళ్లకు లెక్క చెప్పాల్సిందే. భక్తి పేరుతో బీజేపీ వికృత చేష్టలకు పాల్పడుతోంది’ అంటూ తీవ్ర స్థాయిలో  ధ్వజమెత్తారు. ఇవే వ్యాఖ్యలను వారం క్రితం కోరుట్ల ఎమ్మెల్యే విద్యసాగర్ రావు కాస్త అటుఇటుగా అనేశారు.

 

టీఆర్ఎస్సే ఆ ముద్ర వేసుకుంటుందా..

దీంతో ఏమీ లేని విషయాన్ని పట్టుకుని టీఆర్ఎస్ వివాదం చేస్తోంది. దీంతో ఎక్కడికక్కడ బీజేపీ శ్రేణులు ఆగ్రహంతో ఊగిపోతున్నారు. విద్యాసాగర్ రావుపై మాటల దాడి చేస్తే.. ఏకంగా ధర్మారెడ్డి ఇంటిపైనే రాళ్ల దాడి చేశారు. తర్వాత వీరిద్దరూ క్షమాపణ చెప్పారు.. అది వేరే సంగతి. కానీ.. ఈ వ్యాఖ్యలన్నీ టీఆర్ఎస్ అధినే కేసీఆర్ కు తెలీకుండానే జరుగుతున్నాయా అనేది ఓ ప్రశ్న. బీజేపీ నేతలు హద్దు మీరితే తెలంగాణలో తిరగనివ్వకుండా చేస్తాం.. అని కేటీఆర్ వార్నింగ్ ఇస్తే నిన్న సిరిసిల్లలో ఆయన పర్యటననే ఘెరావ్ చేశారు బీజేపీ కార్యకర్తలు. ఎర్రబెల్లి దయాకర్, కడియం శ్రీహరి కూడా బీజేపీ వసూలు చేస్తున్న చందాలను తప్పుబట్టినవారే. దీంతో తలా పాపం తిలా పిడికెడు అన్నట్టు టీఆర్ఎస్ నాయకుల వ్యాఖ్యలు తెలంగాణ ప్రజల్లో.. టీఆర్ఎస్ హిందూ వ్యతిరేకి అనే ముద్రను స్వయంగా వేసుకుంటోంది. వ్యవసాయ బిల్లులపై ధూం ధాం అన్న కేసీఆర్ ఢిల్లీ పర్యటన తర్వాత మద్దతిచ్చేశారు. అంటే బీజేపీకి తలొగ్గారో.. సై అంటున్నారో తెలీదు కానీ.. టీఆర్ఎస్ చేసుకుంటున్న డ్యామేజీని అడ్డుకోవడం లేదు. ఇదే తమకు కావాల్సిందని బీజేపీ రాష్ట్రంలో ఇలా టీఆర్ఎస్ నుంచి అయోధ్యపై వ్యతిరేక వార్త రాగానే అలా ఫైర్ అయిపోయి.. హిందూత్వ సెంటిమెంట్ తో ప్రజలను తమ వైపుకు తిప్పుకుంటోంది.

 

టీఆర్ఎస్ జాగ్రత్త పడకపోతే..

ప్రస్తుతం టీఆర్ఎస్ కు, సీఎం కేసీఆర్ కు తెలంగాణలో వార్తల్లో నిలిచే అంశం లేదు. బీజేపీని ఎటాక్ చేస్తున్నాం అనుకుంటున్నారు కానీ.. బీజేపీ హిందూత్వ ముసుగులో టీఆర్ఎస్ కు భారీ దెబ్బ వేస్తోంది. తెలంగాణ తెచ్చినప్పుడు ప్రజల్లో టీఆర్ఎస్ ఉన్న ఉత్సాహం ఇప్పుడు లేదు. వారి ఆధిపత్య ధోరణే వారికి చిక్కులు తెచ్చిపెడుతోంది. తెలంగాణ సెంటిమెంట్ ఎప్పుడో చల్లారిపోయింది. సెంటిమెంట్, కేసీఆర్ వాక్చాతుర్యం ఎల్లకాలం కాపాడలేదు. వ్యూహాత్మకంగా బీజేపీ వేస్తున్న అడుగులు వారికి ప్లస్. ఇటివల అదే చల్లా ధర్మారెడ్డి ఒక కులాన్ని ఉద్దేశించి.. ‘ఆ కులంలో అధికారులకు ఏమీ రాదు.. అగ్రకులాల వారి ఉద్యోగాలు దక్కించుకోవడం తప్ప’ అనే వ్యాఖ్యలు కూడా ఇప్పుడు తెలంగాణలో టీఆర్ఎస్ కు నిప్పు పెడుతున్నాయి. ఇలా ఒక్కో అంశంలో స్వయంగా దెబ్బలు వేసుకుంటూ.. ‘ఇదంతా మాదే’ అని జబ్బలు చరుచుకునే భ్రమ నుంచి టీఆర్ఎస్ బయటకు రావాల్సి ఉంది.

 

 

author avatar
Muraliak

Related posts

DMDK: టిక్కెట్ రాలేదన్న మనస్థాపంతో సిట్టింగ్ ఎంపీ ఆత్మహత్యాయత్నం .. చికిత్స పొందుతూ మృతి

sharma somaraju

YSRCP: ఎన్నికల్లో దుష్టచతుష్టయాన్ని ఓడించాలి – జగన్

sharma somaraju

BJP: ఏపీ అసెంబ్లీ అభ్యర్ధులను ప్రకటించిన బీజేపీ

sharma somaraju

గుంటూరు వెస్ట్ టాక్‌: వాళ్లంతా ఏకం.. ‘ టీడీపీ మాధ‌వి ‘ తో మ‌మేకం…!

చంద్ర‌బాబు సొంత ఇలాకాలో కూట‌మి పార్టీల్లో క‌ల్లోలం.. !

ఏపీలో టికెట్ ప్లీజ్‌.. ఆ ఒక్క జిల్లాలోనే కాంగ్రెస్‌కు గుట్ట‌లుగా ద‌ర‌ఖాస్తులు..!

Breaking: కేరళ సీఎం కుమార్తె పై మనీలాండరింగ్ కేసు

sharma somaraju

YSRCP: కుమారుడు జగన్‌కే విజయమ్మ ఆశీస్సులు

sharma somaraju

YSRCP: వైసీపీ అధినేత, సీఎం జగన్ నేటి బస్సు యాత్ర ఇలా..

sharma somaraju

YSRCP: టీడీపీ, జనసేనకు బిగ్ షాక్ లు.. వైసీపీలోకి భారీగా చేరికలు

sharma somaraju

చిల‌క‌లూరిపేట‌లో ముందే చేతులెత్తేసిన వైసీపీ.. ‘ పుల్లారావు ‘ మెజార్టీ మీదే లెక్క‌లు..!

BSV Newsorbit Politics Desk

YSRCP: అనకాపల్లి ఎంపీ అభ్యర్ధిని ప్రకటించిన సీఎం జగన్

sharma somaraju

BJP: బీజేపీ కీలక సమావేశానికి ఆ సీనియర్ నేతలు డుమ్మా..

sharma somaraju

మంత్రివ‌ర్యా.. సాటి మ‌హిళా నేత‌పై యాంటీ ప్ర‌చారం ఎందుకు… మీ గెలుపుపై న‌మ్మ‌కం లేదా..!

మొత్తంగా టీడీపీ – జ‌న‌సేన – బీజేపీ ఇలా శుభం కార్డు వేసేశాయ్‌…!