తాడికొండ ఎమ్మెల్యే ఉండవల్లి శ్రీదేవి పెదకాకాని లో పేకాట క్లబ్ నిర్వహిస్తున్నట్లు ఇటీవల వార్తలు వైరల్ అయ్యాయి. సలివెంద్ర సురేష్ అపార్ట్మెంట్ అద్దెకు తీసుకుని పేకాట క్లబ్ నిర్వహిస్తూ పట్టుబడటంతో అతను ఉండవల్లి శ్రీదేవి అనుచరుడు అంటూ జరిగిన ఘటన ఎలక్ట్రానిక్ మీడియాలో మరియు సోషల్ మీడియాలో కొందరు వైరల్ చేయడం జరిగింది. దీంతో తన పై వచ్చిన వార్తల విషయంలో తాడికొండ ఎమ్మెల్యే ఉండవల్లి శ్రీదేవి…. పేకాట క్లబ్ నేను నిర్వహిస్తున్నాను అని అనటం కుట్ర అని ఆవేదన వ్యక్తం చేశారు.
డాక్టర్ గా పనిచేసిన తనపై ఇలాంటి విష ప్రచారం చేయటం దారుణమని ఆవేదన వ్యక్తం చేశారు. అంతేకాకుండా జరిగిన ఘటన తన నియోజకవర్గంలో జరగలేదని అది ఎక్కడో పెదకాకాని అని చెప్పుకొచ్చారు. నాతో ఫోటో దిగితే అతడు నా అనుచరుడు అయిపోతాడా అంటూ ప్రశ్నించారు. అంతేకాకుండా ఇదంతా రాజకీయ కుట్ర, దీనిపై అధిష్ఠానానికి ఫిర్యాదు చేయబోతున్న అంటూ షాకింగ్ కామెంట్ చేయడం జరిగింది.
దీంతో ఇది సొంత పార్టీలో ఉండవల్లి శ్రీదేవికి వ్యతిరేకంగా ఎవరో కుట్ర పన్నినట్లు అందరూ భావిస్తున్నారు. వినబడుతున్న సమాచారం ప్రకారం ఉండవల్లి శ్రీదేవి పేకాట క్లబ్ కుట్ర వెనకాల ఒక ఎంపీ మరియు మరో మహిళ ఎమ్మెల్యే హస్తం ఉన్నట్లు వైసీపీ పార్టీలో టాక్ నడుస్తోంది. కావాలని వాళ్ళు జగన్ దగ్గర ఉండవల్లి శ్రీదేవి ని బ్యాడ్ చేయాలని ఈ రకంగా ఇరికిస్తున్నట్లు వార్తలు వస్తున్నాయి.
