అమరావతి: టీడీపీ పెయిడ్ ఆర్టిస్ట్ అయిన పవన్ కల్యాణ్ తన రెమ్యునరేషన్ పెంచుకోవాలని వైసీపీ ఎంపీ విజయసాయి రెడ్డి అన్నారు. జనసేన అధినేత పవన్ కల్యాణ్ మంగళవారం అమరావతి రైతులను పరామర్శించడానికి రాజధానిలో పర్యటించిన విషయం తెలిసిందే. ఈ సందర్భంగా వైసీపీ ప్రభుత్వంపై తీవ్ర విమర్శలు చేశారు. ఈ నేపథ్యంలో స్పందించిన వైసీపీ ఎంపీ విజయసాయిరెడ్డి పవన్ పై మండిపడ్డారు.
‘పనవ్ కల్యాణ్ నటనా నైపుణ్యాలను చూసి నేను బాగా ఎంజాయ్ చేశాను. అమరావతి రైతుల ముందు ఈ పెయిడ్ ఆర్టిస్ట్ ప్రదర్శన తీరు చూశాక, టీడీపీ నాయకత్వం నుంచి ఆయన రెమ్యునరేషన్ ను మరింత పెంచుకునేందుకు అర్హుడని నేను భావించాను’ అని విజయసాయి రెడ్డి ట్వీట్ చేశారు.
Thoroughly enjoyed the acting skills of @PawanKalyan. The way the paid artist performed before the farmers of Amaravati, I feel he deserves an increase in remuneration from the TDP leadership.
— Vijayasai Reddy V (@VSReddy_MP) January 1, 2020