Subscribe for notification

కమల్, కమలం..! రెండింటిలో రజనీ ఎవరి వైపు..!? కీలక విశ్లేషణ..!!

Share

దేశంలో అన్ని రాష్ట్రాల ఎన్నికల తీరు వేరు.. ఒక్క తమిళనాడు రాష్ట్ర ఎన్నికల తీరు వేరు. దశాబ్దాలుగా తమిళ రాజకీయాల్లో ద్రవిడ పార్టీలదే ఆధిపత్యం. శతాబ్దం చరిత్ర ఉన్న కాంగ్రెస్ కూడా తమిళనాడులో అడుగుపెట్టలేక పోయింది. కొన్ని దశాబ్దాలుగా డీఎంకే లేదంటే అన్నాడీఎంకే. ఈ రెండు పార్టీలే ప్రతి అయిదేళ్లకు ఓసారి అధికారం పంచుకుంటాయి. 2016లో మాత్రమే అన్నాడీఎంకే వరుసగా రెండోసారి అధికారంలోకి వచ్చింది. భాషకు అధిక ప్రాధాన్యం ఇచ్చే తమిళనాడు ప్రజలు ద్రవిడ పార్టీలకే జై కడతారు. సినిమాల ప్రభావం కూడా రాజకీయాలపై తీవ్రంగా ఉంటుంది అక్కడ. ఎంజీఆర్, కరుణానిధి, జయలలిత.. సినిమాల నుంచి రాజకీయాల్లోకి వచ్చి సీఎంలు అయ్యారు. ఈసారి కరుణానిధి లేకుండా స్టాలిన్, జయలలిత లేకుండా శశికళ, కమల్ హాసన్.. తోపాటు జాతీయ పార్టీ బీజేపీతో కొత్త రాజకీయానికి తమిళనాడు సిద్ధమవుతోంది.

whose side is rajinikanth on

బీజేపీ పాచికలు పారతాయా..?

రెండు దశాబ్దాలుగా బాగా ఉనికిలో ఉన్న బీజేపీ ఇప్పుడు దేశ రాజకీయాల్ని శాసిస్తోంది. ఉత్తరాదిన పట్టు సాధించిన బీజేపీ దక్షిణాది రాష్ట్రాల్లో కర్ణాటక మినహా మరెక్కడా కాలు పెట్టలేకపోతోంది. త్వరలో జరగబోతున్న తమిళనాడు అసెంబ్లీ ఎన్నికల్లో తన బలం చూపాలని ప్రయత్నాలు చేస్తోంది. కానీ.. తమిళనాడు సంగతి బీజేపీకి ఇంకా పూర్తిగా అర్ధం కానట్టుంది. అక్కడి పార్టీలు, నాయకులే కాదు.. ప్రజలందరిదీ ఒకటే మాట. ‘మాలో మేము పోట్లాడుకుంటాం కానీ.. బయట నుంచి మా మధ్యలోకి ఎవరైనా వస్తే సహించేది లేదు’ అనే టైపు. అన్ని రాష్ట్రాల్లో తన పదునైన వ్యూహాలతో ముందుకెళ్లే బీజేపీ తమిళనాడులో ఇప్పుడే సొంతంగా వెళ్లలేమని తెలుసనే చెప్పాలి. అందుకే.. జయలలిత మరణం తర్వాత చాకచక్యంగా అన్నాడీఎంకేకు సాయం చేసింది. అన్నాడీఎంకే వెనుక శశికళ ఉన్నా.. వివాదాలమయమే. అందుకే అన్నాడీఎంకేను సపోర్ట్ చేసి ముందుకెళ్లే పరిస్థితులే కనిపిస్తున్నాయి.

కమల్ హాసన్ సినీ నేపథ్యం పనికొస్తుందా..?

కొత్తగా కమల్ హాసన్ పార్టీ పెట్టి తమిళ రాజకీయ రణక్షేత్రంలోకి దిగుతున్నారు. కమల్ హాసన్ సినీ గ్లామర్ ఏమంత ఎఫెక్టివ్ కాదని గత ఏడాది ఎంపీ ఎలక్షన్స్ లో తేలిపోయింది. అయితే.. అసెంబ్లీ ఎన్నికలు వేరు.. అప్పుడు చూపిస్తాం మా తడాఖా అంటున్నారు పార్టీ నేతలు. వివాదాస్పద వ్యాఖ్యలు చేయడమే కాదు.. తమిళ ప్రజల నాడిని పట్టి ముందుకు వెళ్తున్నారు కమల్. బీజేపీకి అవకాశం లేకుండా కేంద్రం నిర్ణయాలను తప్పుబడుతూ ప్రజలను ఆకర్షిస్తున్నారు. దశాబ్దాలుగా పెండింగ్ లో ఉన్న ‘మధురై’ రెండో రాజధాని అంశాన్ని సెంటిమెంట్ గా వాడుకుంటున్నారు. ద్రవిడ పార్టీలపై ఇప్పటికైతే విమర్శలు చేయడం లేదు కానీ.. త్వరలో పూర్తిస్థాయి పోరాటానికి సిద్ధమవుతున్నారు. ఇప్పటికే రాష్ట్రం మొత్తం సుడిగాలి పర్యటన మొదలుపెట్టేశారు. అయితే.. కమల్ నాయకత్వంలపై ప్రజలకు అంతగా విశ్వసిస్తారా..? అనేది అనుమానమే. ఒంటెద్దుపోకడలు, నాయకులకు వాక్ స్వాతంత్రం ఉండదని ఇప్పటికే పలు విమర్శలు వస్తున్నాయి. రజినీకాంత్ కూడా పోటీలో లేకపోవడం కమల్ కు కాస్త ఉపశమనం ఇచ్చేదే అయినా.. పూర్తిగా లాభిస్తుందని చెప్పలేం. సినిమా వారి రాజకీయాలకు తమిళనాడులో ప్రస్తుతం స్థానం లేదని రజినీకాంత్ తాను చేయించిన సర్వేలో తేలిందని.. అందుకే వ్యూహాత్మకంగా రాజకీయ పార్టీ పెట్డడం లేదని ప్రకటించారని అంటున్నారు. ఈ నేపథ్యంలో కమల్ ఎలా నెగ్గుకొస్తారో చూడాలి.

రజినీ శాసించగలరా..?

స్థానికతకే అత్యధిక ప్రాధాన్యం ఇచ్చే తమిళనాడులో ఒక్క రజినీకాంత్ విషయంలోనే ఆ నియమం పక్కకు వెళ్లిపోయింది. ఇటివలే ఆరోగ్యం సహకరించడం లేదంటూ రాజకీయాల్లో వెనకడుగు వేశారు. అయితే.. రజినీ ఎవరికి సపోర్ట్ చేస్తారు అనే ప్రశ్న ఉంది. బీజేపీతో దోస్తీ ఉంది. కేంద్రం నిర్ణయాలను సమర్ధిస్తున్నారు కూడా. దీంతో రజినీ బీజేపీకి సపోర్ట్ చేస్తారని అంటున్నారు. కానీ.. పెద్దగా బలం లేని బీజేపీకి సపోర్ట్ చేసి బీజేపీని తమిళనాడులో అధికారంలో కూర్చబెట్టే అవకాశం లేదు. ఇది రజినీకి కూడా తెలుసు. ఓదశలో జయలలితకు ఓటు వేయాలని రజినీ గతంలో పిలుపిచ్చారు. పర్యటించారు కూడా. కానీ.. ఆయన పర్యటించిన చోట జయలలిత పార్టీ ఓడిపోయింది. పార్టీ కూడా గెలవలేదు. ఈ నేపథ్యంలో రజినీ సినిమా మ్యాజిక్ రాజకీయాల్లో పనిచేస్తుందని చెప్పడానికి కూడా లేదు. ఏమైతేనేం.. తమిళనాడు రాజకీయాల్లో ఉద్దండులు లేని కొత్త రాజకీయాలకు తెర లేవబోతోందని చెప్పాలి.


Share
Muraliak

Recent Posts

CM YS Jagan: ప్రధాని మోడీకి ప్రధాన అంశాలపై సీఎం వైఎస్ జగన్ వినతి.. ఈ సారి అయినా మోడీ మోక్షం లభిస్తుందా..?

CM YS Jagan: భీమవరం పర్యటన పూర్తి చేసుకుని గన్నవరం విమానాశ్రయం వద్ద తిరుగు ప్రయాణం అయిన ప్రధాన మంత్రి నరేంద్ర…

2 hours ago

Somu Veerraju: మోడీ పర్యటన సందర్భంగా దుష్టశక్తుల భారీ కుట్ర అంటూ సోము వీర్రాజు సంచలన వ్యాఖ్యలు

Somu Veerraju: ప్రధాన మంత్రి నరేంద్ర భీమవరం పర్యటన సందర్భంలో నిరసన తెలిపేందుకు కాంగ్రెస్ శ్రేణులు సిద్ధమైయ్యారు. గన్నవరం విమానాశ్రయం నుండి…

3 hours ago

Peanut Rice: ఎదిగే పిల్లలకు పీనట్ రైస్ చేసి పెట్టండి.. బలానికి బలం రుచికి రుచి..!

Peanut Rice: వేరుశనగ ఆరోగ్యానికి మంచిదని అందరికీ మంచి తెలిసిందే.. అందుకే పల్లి చెక్కలు, పల్లి ఉండలు, వేరుశనగ పచ్చడి,…

4 hours ago

AP Minister RK Roja: మంత్రి రోజా సెల్ఫీ ఫోటోకు నవ్వుతూ ఫోజు ఇచ్చిన ప్రధాని మోడీ

AP Minister RK Roja: మన్యం వీరుడు అల్లూరి సీతారామరాజు 125వ జయంతోత్సవాల సందర్భంగా అజాదీగా అమృత్ ఉత్సవ్ లో…

4 hours ago

Race Gurram: మరోసారి రేసుగుర్రం కాంబినేషన్ రిపీట్..??

Race Gurram: 2014వ సంవత్సరంలో డైరెక్టర్ సురేందర్ రెడ్డి(Surender Reddy) దర్శకత్వంలో ఐకాన్ స్టార్ హీరోగా నటించిన "రేసుగుర్రం"( Race…

6 hours ago

SSMB28: కన్నడ స్టార్ హీరోతో కలసి మహేష్ బాబు..??

SSMB28: సూపర్ స్టార్ మహేష్ బాబు(Mahesh Babu) "సర్కారు వారి పాట"(Sarkaru Vari Pata) విజయంతో మంచి జోరు మీద…

6 hours ago