ఎవరైనా స్వశక్తితో పైకి రావాలంటే పెద్దగా కష్టం కాదు కానీ.. బలవంతంగా పైకి తీసుకురావాలంటేనే.. మరొకరిని తొక్కేయాల్సి ఉంటుంది. ఇటువంటి రాజకీయాలు అనేక రంగాల్లో జరుగుతూనే ఉంటాయి. అయితే.. బలవంతుడి ముందు బలహీనుడు ఎప్పుడే బలహీనమే. పైగా.. బయటకు చెప్పుకోలేని పరిస్థితుల్లో ఇరుక్కుంటే (..కిస్తే) ఇక చెప్పేదేముంది. పైన అయ్యోరు ఏది చెప్తే అది చేయాల్సిందే. ప్రస్తుతం ఇదే కథ ఒకటి తెలంగాణ రాష్ట్రంలో జరుగుతోంది. యువ న‌టికి మంత్రి లైంగిక వేధింపుల వ్యవహారం ఇప్పుడు తెలంగాణలో హాట్ టాపిక్. మంత్రిగారి ప‌ద‌వికి ముప్పు తెస్తోందనే వార్తలు వస్తున్నాయి. ఇదంతా ఎమ్మెల్సీ కవితకు మంత్రి పదవి కట్టబెట్టేందుకే అనే వాదనా లేకపోలేదు.
మంత్రి వెనుక రాజకీయం.. కుట్రేనా..!
సదరు మంత్రి వెనుక జరుగుతున్న ఈ వ్యవహారం వెనుక రాజకీయ కుట్ర దాగుందనే వార్తలు వస్తున్నాయి. ఇందుకు ఆజ్యం పోస్తోంది తెలంగాణలో అధికార పార్టీకి అనుకూలంగా ఉండే ఓ మీడియా చానెల్. ప్రభుత్వ వ్యతిరేక వార్తలు ప్రసారం చేయడానికే వెనుకాడే ఓ చానెల్ ఏకంగా క్యాబినెట్ హోదా ఉన్న మంత్రిపై ఇంత ధైర్యంగా వ్యతిరేక కథనాలు ప్రసారం చేయగలదా అనేది విశ్లేషకుల మాట. నటితో అసభ్యంగా ప్రవర్తించి ప్రభుత్వానికి మచ్చ తెస్తున్నాడని ఓ మీడియా చానెల్ ప్రసారం చేయాలంటే ఎటువంటి ఆధారాలు, ధైర్యం ఉండాలి అనేది సామాన్యుడి ప్రశ్న. ఈ వ్యవహారంపై ఇంటిలిజెన్స్ కూడా రంగంలోకి దిగిందంటే వెనుక ఏదో జరుగుతోందని రాజకీయ విశ్లేషకులు విశ్లేషిస్తున్నారు.
కవిత కోసమే ఇదంతా.. వార్తల్లో నిజమెంత..!
ఇదంతా ఎమ్మెల్సీ కవిత కోసమే.. అనే వ్యాఖ్యలు మరింత సంచలనం రేపుతున్నాయి. కవితను క్యాబినేట్ లో కూర్చోబెట్టేందుకే మంత్రి వ్యవహారాన్ని వెలుగులోకి తెచ్చారని అంటున్నారు. ఎమ్మెల్సీగా కవిత ప్రమాణస్వీకారం చేసిన మరునాడే మంత్రి రాస‌లీల వ్యవహారం బయటకు రావడం పలు అనామానాలకు తావిస్తోంది. ఇదే నిజమైతే.. ఆ మంత్రికి పదవి పోతే.. ఆ వ్యతిరేకతను ఎలా పూడ్చాల్లో ‘అయ్యోరు’కి బాగా తెలుసనే కామెంట్లూ వినిపిస్తున్నాయి. కాబట్టి.. కవితకు మంత్రి పదవి పెద్ద సమస్య కాబోదు. ఎమ్మెల్సీ పదవీ కాలం 15 నెలలే ఉన్నా ఎమ్మెల్సీ అయ్యారంటే.. మంత్రిగా చూసుకోవాలనే కదా..! అందుకే పొగ పెట్టారు.. బయటకు పంపుతున్నారు అంటున్నారు. ‘రాజు తలచుకుంటే దెబ్బలకు కొదవా..’ అనే సామెత ఊరకే రాలేదు మరి.
