ఒకే దేశం ఒకే ఎలక్షన్ అనే నినాదం ఇప్పుడు జాతీయ రాజకీయాల్లో పెద్ద హాట్ టాపిక్ అయింది. ఎప్పటి నుండో మోడీ సర్కార్ దేశవ్యాప్తంగా ఒక్కసారే అన్ని ఎన్నికలు జరిగేలా ప్రయత్నాలు చేస్తున్న సంగతి తెలిసిందే. అయితే ఇటీవల ఈ ప్రయత్నాలు మరింత వేగవంతం అయినట్లు వార్తలు వస్తున్నాయి. ఈ నేపథ్యంలో కొత్త రైతు వ్యవసాయ చట్టాలు తీసుకొచ్చే విషయంలో …మోడీ సర్కార్ దేశంలో ఉన్న అన్ని రాష్ట్రాల ప్రభుత్వాల అభిప్రాయాలను తీసుకోకుండానే నిర్ణయం తీసుకోవడం జరిగింది.
ఈ నేపథ్యంలో జమిలి ఎన్నికల విషయంలో కూడా ఒక్కసారిగా మోడీ సర్కార్ నిర్ణయం తీసుకునే అవకాశం ఉన్నట్లు సరికొత్త వార్తలు తాజాగా వినబడుతున్నాయి. దేశంలో చాలా రాష్ట్రాల ప్రభుత్వాల ముఖ్యమంత్రులు కూడా జమిలి ఎన్నికలకు మొగ్గుచూపుతున్నట్లు దీంతో ప్రస్తుత పరిస్థితులు బట్టి ఏ క్షణంలో అయినా జమిలి ఎన్నికలకు మోడీ సర్కార్ రెడీ అయ్యే అవకాశం ఉన్నట్లు నేషనల్ మీడియాలో వార్తలు వినబడుతున్నాయి.
అయితే ఈ విషయంలో ఇతర రాష్ట్ర ప్రభుత్వాలు వ్యతిరేకిస్తే పరిస్థితి ఏంటి అన్న దానిపై మాత్రం క్లారిటీ లేదు. ఏది ఏమైనా కొత్త ఆర్డినెన్స్ లు వ్యవసాయ చట్టాలు తీసుకువచ్చే క్రమంలో మోడీ సర్కార్ ఏ రాష్ట్ర ప్రభుత్వ నిర్ణయాలను సంప్రదించటం లేదు. ఈ నేపథ్యంలో జమిలి విషయంలో కూడా సడన్ నిర్ణయం మోడీ సర్కార్ తీసుకునే అవకాశం ఉందని విశ్లేషకులు అంటున్నారు.
