ఇటీవల ఏపీ ఆర్థిక మంత్రి బుగ్గన రాజేంద్రనాథ్ కేంద్ర ఆర్థిక మంత్రి నిర్మలా సీతారామన్ తో భేటీ అవ్వడం అందరికీ తెలిసిందే. ఈ సందర్భంగా రాష్ట్రానికి సంబంధించి పలు కీలక అంశాలపై ఇద్దరూ మాట్లాడుకోవడం జరిగింది. దాదాపు అరగంట పాటు జరిగిన ఈ సమావేశం అనంతరం కేంద్రం నుండి రాష్ట్రానికి రావాల్సిన నిధులను విడుదల చేయాలని కోరినట్లు బుగ్గన రాజేంద్రనాథ్ చెప్పుకొచ్చారు. అంతేకాకుండా పోలవరం నిధులకు సంబంధించి కరోనా వల్ల రాష్ట్రం పైబడిన ఆర్థిక భారం నుంచి ఆదుకోవాలని విజ్ఞప్తి చేసినట్లు చెప్పుకొచ్చారు. అంతా బాగానే ఉన్నా జరిగిన ఈ సమావేశంలో ఫారెన్ నుండి దాదాపు 65 వేల కోట్లు ఎటువంటి హామీ లేకుండా తెచ్చుకోవటానికి అనుమతినివ్వాలని బుగ్గన రాజేంద్రనాథ్ నిర్మల సీతారామన్ ని కోరినట్లు ఇటీవల వార్తలు వచ్చాయి.
ఈ వార్త బయటకు రావడంతో ఒక్కసారిగా రాష్ట్రంలో ఉన్న ప్రతిపక్షాలు షాక్ అయిపోయాయి. విభజనతో నష్టపోయిన రాష్ట్రం పైగా నిండా అప్పులతో ఉన్న రాష్ట్రానికి విదేశీ ప్రైవేటు సంస్థ నుండి 65 వేల కోట్లు ఎలా అప్పు వస్తుంది అని దీని వెనకాల అజెండా ఏమిటి అని చాలామంది అనుమానం వ్యక్తం చేస్తున్నారు. రాష్ట్రంలో ఉన్న సహజ వనరులు అమ్మేశారా ? అని పలువురు కామెంట్లు చేస్తున్నారు. చాలా వరకు ఈ విషయంలో ఆర్థిక మంత్రి బుగ్గన రాజేంద్రనాథ్ నీ టార్గెట్ చేస్తున్నారు గాని ఈ 65 వేల కోట్లు సినిమా విషయంలో వైయస్ జగన్ పేరు ప్రస్తావన ప్రతిపక్షాలు తీసుకు రావటం లేదు. 65 వేల కోట్లు మామూలు విషయం కాదు రాష్ట్రంలో ఏదో తాకట్టు పెట్టారు, అధికార పార్టీ నేతలు అని విపక్షాలు ఈ విషయంపై ఆరోపణలు అనుమానాలు వ్యక్తం చేస్తున్నారు.
