ఏపీ సీఎం వైఎస్ జగన్ మోహన్ రెడ్డి వ్యవహారం మొదటి నుండి చాలా మొండిగా, అనుకున్నది అనుకున్నట్టుగా చేయడంలో ఎక్కడ తగ్గకుండా దూసుకుపోతారనే టాక్ పార్టీలోనూ మీడియాలోనూ ప్రజలలో ఉంది. కాగా ఇప్పుడు ఆయన వ్యవహరిస్తున్న తీరు వల్లే ప్రభుత్వానికి అనేక ఇబ్బందులు ఎదురవు తున్నట్లు వార్తలు మెయిన్ స్ట్రీమ్ మీడియాలో చక్కర్లు కొడుతున్నాయి.
పూర్తి విషయంలోకి వెళ్తే జగన్ తీసుకుంటున్న చాలా నిర్ణయాలు క్యాబినెట్ సమావేశమైన తర్వాత మీడియాకి ఆఫీసియల్ గా చెప్పకుండానే, కొంత మంది కోవర్టులు టిడిపి అనుకూల మీడియా కి లీక్ చేస్తున్నట్లు ప్రభుత్వ వర్గాలలో అనేక మంది చర్చించుకుంటున్నారు. మంత్రి పేర్ని నాని మీడియా బ్రీఫింగ్ ఇవ్వకుండానే ముందుగానే టీడీపీ అనుకూల టీవీలో స్క్రోలింగ్ భారీగా రావటం పట్ల జగన్ చాలా ఆగ్రహంగా ఉంటున్నారట. పైగా ఎవరికీ చెప్పకుండా నిర్ణయాలు తీసుకొని క్యాబినెట్ లో మంత్రులు ముందు ఉంచి ఇది నా నిర్ణయం అన్నట్టుగా జగన్ వ్యవహరించడంతో సహచర మంత్రులే లిక్ చేస్తున్నారని వైసిపి పార్టీ హైకమాండ్ అనుకుంటున్నట్లు సమాచారం.
కనీసం జగన్ సొంత మీడియాకి వెళ్లక ముందే ఆ వార్త ప్రత్యర్థి మీడియా ఛానల్స్ కి చేరటం నిజంగా జగన్ పార్టీకి షాక్ కి గురి చేస్తున్నట్లు వార్తలు పార్టీలో కూడా వినబడుతున్నాయి. అంతేకాకుండా అనేక ప్రభుత్వ నిర్ణయాలు కోర్టుల్లో ఎదురు దెబ్బ తగలటం కి కూడా కారణం ఇదే అని పార్టీలో ఉన్న నేతలు బలంగా నమ్ముతున్నారట. పరిస్థితి ఇలా ఉండగా అప్పట్లో అధికారంలో ఉన్న చంద్రబాబు హయాంలో లీక్ అయినా గాని…. కచ్చితంగా ఏదైతే అనుకున్నారో దాన్ని చేసుకుని పోయేవారు.
కానీ వైయస్ జగన్ సర్కార్ అనుకున్న నిర్ణయాలు అలా కాకుండా చాలా వరకు అట్టర్ ఫ్లాప్ అవుతున్నాయి. దీంతో ఇక నుండి జగన్ 50 శాతం తగ్గి మంత్రులకు గౌరవం ఇస్తూ తను అనుకున్నది తెలియజేస్తే బాగుంటుంది అని, పార్టీలో కొంతమంది నేతలు గుస గుస లాడుతున్నట్లు టాక్. మరోపక్క మంత్రులు కూడా కొద్దిగా తగ్గించుకుని వ్యవహరిస్తే… చాలా వరకు ప్రభుత్వ నిర్ణయాలు అనుకున్నది అనుకున్నట్టు సెట్ అయిపోతుందని పార్టీలోని నేతలు భావిస్తున్నారట.
