కరోనా దెబ్బకు థియేటర్లు మూత పడిన తర్వాత చివరికి కేంద్ర ప్రభుత్వం సినిమా హాల్లు తెరుసుకునేందుకు అనుమతి ఇచ్చినప్పటికీ ఎవరూ అంత ధైర్యం చేయడం లేదు. ఈ క్రమంలో మరిన్ని చిత్రాలు ఓటిటి వైపు పోటెత్తుతున్నాయి. తాజాగా దక్షిణాదిలో సూపర్ డూపర్ హిట్ అయిన ‘కాంచన‘ చిత్రం రీమేక్ గా బాలీవుడ్ లో అక్షయ్ కుమార్, కియారా అద్వానీ, శరద్ కేల్కర్ ప్రధాన తారాగణంగా తెరకెక్కిన ‘లక్ష్మి’ చిత్రం డిస్నీ హాట్ స్టార్ లో విడుదలైంది. తమిళంలో దర్శకత్వం వహించిన రాఘవ లారెన్స్ ఈ చిత్రాన్ని బాలీవుడ్ లో రీమేక్ చేశాడు. ఈ చిత్రం ఎలా ఉందో ఒక్కసారి చూస్తే….
స్టోరీ :
అసిఫ్ (అక్షయ్ కుమార్) దెయ్యాలు భూతాలు అంటే నమ్మకం లేని వ్యక్తి. అలాగే దేవుడిని కూడా పెద్దగా నమ్మడు. కాబట్టి నకిలీ భావాలను ప్రజలకు బహిర్గతం చేయడం లక్ష్యం గా తిరుగుతూ ఉంటాడు. దయ్యాలు, భూతాలు ఉన్నాయి అని నమ్మించి మోసం చేసే వారి భరతం పడుతుంటాడు. ఇదే క్రమంలో అతని భార్య రష్మిక (కియారా అద్వానీ) తో కలిసి రేష్మిక వాళ్ళ తల్లిదండ్రుల ఇంటికి బయలుదేరుతారు. అయితే అక్కడ లక్ష్మి అనే ఒక దెయ్యం ఆసిఫ్ ను పట్టిపీడిస్తోంది. అసలు ఈ లక్ష్మి ఎవరు? ఆమెకు ఏం కావాలి? ఇవన్నీ తెలుసుకోవాలంటే సినిమా చూసి తీరాల్సిందే…
ప్లస్ లు :
నపుంసకుడు గా అక్షయ్ కుమార్ నటన
శరద్ కేల్కర్
ఫ్లాష్ బ్యాక్ సన్నివేశాలు
మైనస్ లు :
హీరో క్యారెక్టర్ డిజైన్ చేసిన విధానం
చెత్త క్లైమాక్స్
పెద్దగా ఆకట్టుకోని డైరెక్షన్
బ్యాక్ గ్రౌండ్ స్కోర్
వీక్ కామెడీ, బోరింగ్ స్క్రీన్ ప్లే
అసలు భయం రేకెత్తించలేని సన్నివేశాలు
విశ్లేషణ :
లక్ష్మీ అనే నపుంసకుడు గా అక్షయ్ కుమార్ మంచి పెర్ఫార్మెన్స్ ఇచ్చాడు అనే చెప్పాలి. ఇక అతని పాత్రకి అతను న్యాయం చేశాడు. కానీ తమిళంలో లారెన్స్ చేసినంత ఎఫెక్టివ్ గా ఆడవేషంలో మాత్రం నటించలేకపోయాడు అని చెప్పాలి పర్వాలేదనిపించింది. కియారా ఎమోషనల్ సీక్వెన్స్ లో మాత్రం అదరగొట్టింది. అయితే అసలైన కథకు వచ్చేసరికి క్యారెక్టరైజేషన్ లో కొద్దిగా ఇబ్బంది పడ్డాడు లారెన్స్. రీమేక్ విషయానికి వస్తే హీరోకి దెయ్యాలంటే భయం ఉండదు…. పైగా దెయ్యాల నమ్ముకొని వ్యాపారం చేసేవారి భరతం పడుతూ కనిపిస్తూ ఉంటాడు. అయితే ఒరిజినల్ లో లారెన్స్ దయ్యాలకు పిచ్చిగా భయపడుతుంటారు. హీరో దయ్యాలకు భయపడేటప్పుడు వర్కవుట్ అయిన కామెడీ హీరో కి దెయ్యాలంటే భయం లేనప్పుడు వర్కౌట్ కాలేదు. ఇదే సినిమాకి పెద్ద మైనస్. పైగా కొన్ని కీలక సన్నివేశాల్లో కూడా రైటింగ్ అస్సలు బాగోలేదు. లాటోగ్రఫీ బాగుంది కానీ బ్యాక్ గ్రౌండ్ మ్యూజిక్ మాత్రం తేలిపోయింది. ఎడిటింగ్ ఇంకా బాగా చేయవచ్చు. భయంగొలిపే సన్నివేశాలు అస్సలు అంటే అస్సలే లేవు.
చివరి మాట : తుస్సుమన్న లక్ష్మి ‘బాంబ్’
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!