సినిమా పేరు: బింబిసారా
దర్శకుడు: వశిష్ట
నటీనటులు: నందమూరి కళ్యాణ్రామ్, కేథరిన్ థెరీసా, సంయుక్తా మీనన్, వారినా హుస్సేన్, వెన్నెల, ప్రకాష్ రాజ్
నిర్మాతలు: హరికృష్ణ నిర్మాణ సంస్థ…కళ్యాణ్ రామ్
సంగీతం: M. M. కీరవాణి
సినిమాటోగ్రఫీ: ఛోటా కె. నాయుడు
పరిచయం:-
తెలుగు సినిమా ఇండస్ట్రీలో కమర్షియల్ యాక్షన్ ఎంటర్టైనర్ సినిమాలు తీసే కళ్యాణ్ రామ్ ఫస్ట్ టైం సోషియో ఫాంటసీ చిత్రం “బింబిసారా” చేసి అదరహో అనిపించుకున్నారు. మునుపెన్నడూ లేని రీతిలో కళ్యాణ్ రామ్ సరికొత్త అవతారంలో కనిపించడంతో ఈ సినిమాపై భారీ అంచనాలు ఏర్పడ్డాయి. “బింబిసారా” ట్రైలర్ తోనే ఒక్కసారిగా సినిమాపై అంచనాలు పెరగగా ఆ తర్వాత ప్రమోషన్ కార్యక్రమాలతో.. మరింత అంచనాలు ఏర్పడ్డాయి. సినిమాలో కళ్యాణ్ రామ్ గెటప్ తో పాటు టైటిల్ కూడా వెరైటీగా ఉండటంతో.. పాటు చాలా రోజుల తర్వాత టైం ట్రావెల్ కాన్సెప్ట్ తో సినిమా రావటంతో బింబిసారా కి మంచి క్రేజ్ ఏర్పడింది. మరి ఈ సినిమాలో కళ్యాణ్ రామ్ ఏ విధంగా రాణించాడో తెలుసుకుందాం…
స్టొరీ విషయానికొస్తే…
త్రిగర్త రాజ్యానికి చక్రవర్తిగా బింబిసారుడు పాత్రలో కళ్యాణ్ రామ్ నటించరు. అత్యంత అగ్రరాజ్యంగా.. తన రాజ్యం ఉండాలని ఆకాంక్షతో అనేక చిన్న చిన్న సామ్రాజ్యాలను కూడా తన ఆధీనంలో ఉండేలా బింబిసారుడు చాలా క్రురంగా ఇతర పట్ల వ్యవహరిస్తాడు. ఎవరి పట్ల దయాజాక్షిణ్యం చూపించకుండా ఉండే బింబిసారుడుకి ఒక పండితుడి శాపం తగులుద్ది. దీంతో మోడరన్ కాలానికి బింబిసారుడు రావటం జరుగుద్ది. అయితే వర్తమాన కాలంలో ఒక నిధిని దాచి పెట్టడం మాత్రమే కాదు అందులో వైద్యానికి సంబంధించిన ధన్వంతరి పుస్తకం కూడా రహస్యంగా దాస్తాడు. అయితే ఆ పుస్తకాన్ని సాధించటం కోసం ప్రస్తుత కాలంలో ఓ వ్యక్తి అనేక ప్రయత్నాలు చేస్తూ ఉంటాడు. దీంతో రాజుల కాలం నుండి మోడరన్ కాలంలోకి వచ్చిన బింబిసారుడు.. తాను దాచిన నిధిని మరియు వైద్య పుస్తకాన్ని ఎలా కాపాడుకున్నాడు..? మళ్లీ తిరిగి రాజుల కాలానికి ఎలా చేరాడు అనేది తెలుసుకోవాలంటే “బింబిసార” సినిమా చూడాల్సిందే.
విశ్లేషణ:-
డైరెక్టర్ వంశీ వశిష్ట కొత్త దర్శకుడు అయినా గాని “బింబిసార” తెరకెక్కించడంలో తన టాలెంట్ ఏంటో నిరూపించాడు. మంచి బలమైన కథ అయినా గాని తెరమీద అద్భుతంగా ప్రజెంట్ చేయడం జరిగింది. ముఖ్యంగా సోషియో ఫాంటసీ టైం ట్రావెల్ కథ కావటంతో స్క్రీన్ ప్లే విషయంలో ఎక్కడా కూడా తేడా రాకుండా చాలా జాగ్రత్తగా తీసుకున్నాడు. ఇక కళ్యాణ్ రామ్ పర్ఫామెన్స్ విషయానికొస్తే మరోసారి ఫాంటసీ కథలకు నటనకు కేరాఫ్ అడ్రస్ నందమూరి వంశమని తన నటనతో నిరూపించాడు. ఫస్టాఫ్ సినిమా ఓ రేంజ్ లో ఉంది. ఇక సెకండాఫ్ వచ్చేసరికి అక్కడక్కడ మగధీర ఇంకా బాహుబలి సన్నివేశాల ఫ్లేవర్ కనిపిస్తూ ఉంటుంది. సినిమా మొత్తానికి కళ్యాణ్ రామ్ వన్ మ్యాన్ ఆర్మీ టైపు నడిపించాడు. కేథరిన్ తేరిసా, సంయుక్త మీనన్ ఇద్దరు టాప్ మోస్ట్ హీరోయిన్లు ఉన్నాగాని పెద్దగా వాళ్ళ పాత్రలకు ప్రాధాన్యత ఏమి కనిపించలేదు. ఇక సెకండాఫ్ లో కొద్దిగా సన్నివేశాలు సాగదీసినట్లు ఇంకా కామెడీ సన్నివేశాలు పెద్దగా ఆకట్టుకోలేకపోయాయి. క్లైమాక్స్ లో కూడా కొద్దిగా మిస్ ఫైర్ అయినట్టు..ఓవరాల్ గా చూసుకుంటే “బింబిసార” ప్రేక్షకులను బాగానే ఆకట్టుకుంది. బింబిసారుడు పాత్రలో రెండు విభిన్నమైన కళ్యాణ్ రామ్ గెటప్ లు సినిమాకి హైలెట్. ఇక మోడ్రన్ పాత్రలో కూడా కళ్యాణ్ రామ్ బాగానే ఆకట్టుకున్నాడు. ఇక మ్యూజిక్ అందించిన కీరవాణి సినిమాకి ప్రాణం పోశాడు అని చెప్పవచ్చు. కీరవాణి అందించిన మ్యూజిక్ సినిమాకి మంచి ఇంపాక్ట్ కలిగించింది. ఇక ప్రకాష్ రాజ్ కి ఎలాంటి పాత్ర ఇచ్చినా గాని దానిలో ఒదిగిపోయే రకమని అందరికీ తెలుసు. విఎఫ్ ఎక్స్ గ్రాఫిక్ వర్క్ కూడా పర్వాలేదు అనిపించింది. క్రీస్తుపూర్వానికి 500 సంవత్సరానికి ప్రస్తుత కాలానికి లింకు చేస్తూ టైం ట్రావెల్ సోషియో ఫాంటసీ చిత్రంగా అభిమానులను బాగానే ఆకట్టుకుంది.
ప్లస్ పాయింట్స్:-
కళ్యాణ్ రామ్ నటన
ఫస్టాఫ్
కీరవాణి మ్యూజిక్
చోటా కె నాయుడు కెమెరా వర్క్.
మైనస్ పాయింట్స్:-
విలన్ పాత్ర
ఇద్దరు హీరోయిన్ పాత్రలు
సెకండ్ ఆఫ్
ఓవరాల్ గా:
“బింబిసార” రూపంలో టైం ట్రావెల్ సోషల్ సినిమా గతంలో విజువల్ త్రిల్లర్ గా బాలకృష్ణ నటించిన “ఆదిత్య 369” నీ తలపించింది అని చెప్పవచ్చు.
రేటింగ్ : 3/5