Repeat: తమిళంలో తెరకెక్కిన డేజావు కి తెలుగు రీమేక్ గా వచ్చిన సినిమా రిపీట్.. నవీన్ చంద్ర ప్రధాన పాత్రలో నటించిన ఈ చిత్రాన్ని అరవింద్ శ్రీనివాసన్ దర్శకత్వం వహించారు. సీనియర్ రైటర్ అచ్యుతు కుమార్ రాసిన నవల లో భాగంగానే ఈ సినిమా కథ సాగుతుంది. డిసెంబర్ 1న డిస్నీ ప్లస్ హాట్ స్టార్ లో స్ట్రీమింగ్ అవుతున్న ఈ సినిమా ప్రేక్షకులను ఏ మేరకు మెప్పించిందో చూద్దాం..!
సీనియర్ రైటర్ సుబ్రహ్మణ్యం (అచ్యుత్ కుమార్) ఒకరోజు రాత్రి బాగా మందు తాగేసి పోలీస్ స్టేషన్ కి వస్తాడు. తాను రైటర్ అని ప్రస్తుతం ఒక కథ రాస్తున్నానని.. కానీ ఆ కథలోని పాత్రలు బయటకు వచ్చి తనని బెదిరిస్తూ కాల్స్ చేస్తున్నాయని చెబుతాడు. కానీ స్టేషన్లో వాళ్లందరూ వాటిని పట్టించుకోకుండా కొట్టి పారేస్తారు. అతను ఆ కథలో రాసినట్టుగానే డీజీపీ ఆశా ప్రమోద్ (మధుబాల) కూతురు పూజ (స్మృతి వెంకట్) ను కిడ్నాప్ కి గురవుతుం.ది ఈ విషయం బయటకు రాకుండా ఈ కేసును అండర్ కవర్ పోలీస్ ఆఫీసర్ విక్రమ్ కుమార్ (నవీన్ చంద్ర) ను ఆశ ప్రమోద్ రంగంలోకి దింపుతారు. తన కూతురు కిడ్నాప్ కి గురవడం వెనుక ఆ రైటర్ హస్తం ఉందా.. లేదంటే ఆ రైటర్ తన కథలో రాసిన విషయాలు ఎలా నిజమవుతున్నాయి అనే విషయంపై దృష్టి సారిస్తూ ముందుకు వెళ్తారు.. ఆ రైటర్ ఎలాంటి పరిణామాల్ని ఎదుర్కొంటాడు.. చివరికి అతనికి తెలిసే చేదు నిజాలు ఏంటి అనేది ఈ సినిమా కథ.
నవీన్ చంద్ర, మధుబాల తెలుగు ప్రేక్షకులకు సుపరిచితమే. కాంతార సినిమా తో అచ్యుత్ కుమార్ కూడా తెలుగు ప్రేక్షకులకు పరిచయమయ్యారు . ఈ సినిమాలో నటించిన ప్రతి ఒక్కరూ ఎవరి పాత్రకు అనుగుణంగా వారు నటించారు. కంటెంట్ పరంగా బలమైన సినిమా ఇది. ఈ సినిమా చూస్తున్నంత సేపు ప్రేక్షకులను కదలనివ్వకుండా కట్టిపడేస్తుంది. కథలో ఏ పాత్ర కూడా అతిగా అనవసరంగా కనిపించలేదు లవ్ యాక్షన్ ఎమోషన్ అనేది సరైన టైమ్ కి సరిగ్గా సమతూగేలాగా సెట్ అయ్యాయి. ఈ మూడు కూడా సస్పెన్షన్ ముందు పెట్టుకుని నడుస్తూ ప్రేక్షకులను ధ్రిల్ చేశాయి. మొత్తానికి రిపీట్ సినిమా తెలుగు ప్రేక్షకులను మెప్పించిందనే చెప్పాలి.
