లాక్ డౌన్ మొదలైనప్పటి నుండి ఏ ఒక్క పేరు మోసిన సినిమా రిలీజ్ లేకుండా చాలా చప్పగా గడిచిపోయిన క్షణాలకు ఇక తెరపడింది. సుధీర్ బాబు, నాని నాయక–ప్రతినాయక పాత్రల్లో…. విలక్షణ దర్శకుడు మోహన్ క్రిష్ణ ఇంద్రగంటి దర్శకత్వంలో నివేథా థామస్, అదితి రావు హైదరి హీరోయిన్లుగా నటించిన చిత్రం ‘V’ ఇప్పుడు అమెజాన్ ప్రైమ్ వీడియో లో స్ట్రీమ్ అవుతోంది. దిల్ రాజు నిర్మించిన ఈ చిత్రం ఎలా ఉందో చూద్దాం….
కథ
డిసిపి విక్రమాదిత్య (సుధీర్ బాబు) హైదరాబాద్ లోనే ఎంతో పేరుమోసిన పోలీస్ ఆఫీసర్. అయితే సిటీ లో ఉన్న క్రిమినల్స్ ఆట కట్టిస్తున్న ఆదిత్య కు ఒక పోలీస్ ఆఫీసర్ హత్యతో అసలైన ఛాలెంజ్ మొదలవుతుంది. హత్యచేసింది మన విలన్ విష్ణు (నాని). ఇక ఆ పోలీస్ ఆఫీసర్ ని చంపినప్పుడే ‘నాకు నువ్వే కావాలి‘ అని ఆదిత్యను ఉద్దేశించి నాని అక్కడ ఒక నోట్ ను ఉంచుతాడు. ఆ తర్వాత డిసిపి ఆదిత్య ప్రెస్ మీట్ పెట్టి మరీ వాడెవడో నన్ను ఛాలెంజ్ చేసి చాలా తప్పు చేశాడు అని విష్ణు కి సవాల్ విసురుతాడు. అతనిని త్వరలోనే పట్టుకుంటాను అని చెప్పినప్పుడు విష్ణు… ఆదిత్య కు ఫోన్ చేసి మొత్తం ఐదు మర్డర్లు చేస్తానని…. ఇక నాలుగు మిగిలి ఉన్నాయని…. వీలైతే తనను పట్టుకునేందుకు ట్రై చేయమని చెబుతాడు. మొత్తానికి విష్ణు తన ఇంటెలిజెన్స్ తో ఐదు హత్యలు చేశాడా? లేదా చేసే లోపు ఆదిత్య… విష్ణు ని పట్టేసుకున్నాడా..? అన్నదే కథ.
మైనస్ పాయింట్స్
ప్రతినాయకుడి పాత్రలో నాని ఇమడలేకపోయాడు
ఆర్మీ ఎపిసోడ్స్ లాజిక్ లేకుండా ఉన్నాయి
అదితి, నివేత క్యారెక్టర్ కి ఇంపార్టెన్స్ లేదు
ప్లస్ పాయింట్స్
క్లైమాక్స్ లో నాని పర్ఫార్మెన్స్
కొద్దిగా పండిన సెంటిమెంట్
విశ్లేషణ
ఇంద్రగంటి మోహన్ కృష్ణ వంటి విలక్షణ దర్శకుడి నుండి నాని ప్రతినాయకుడి పాత్రలో నటిస్తున్న సినిమా వస్తుంది అంటే అంచనాలు బాగానే ఉంటాయి. అందుకు తగ్గట్టు మ్యాచో పర్సనాలిటీ గా పేరు తెచ్చుకున్న సుధీర్ బాబు హీరో. పైగా పోలీస్ ఆఫీసర్– సీరియల్ కిల్లర్ కథాంశం. అయితే పేరుకే ‘V’ ఒక థ్రిల్లర్ అయినప్పటికీ ఇందులో థ్రిల్లర్ ఎలిమెంట్ ఒక్కటి కూడా లేకపోవడం గమనార్హం. సీరియల్ కిల్లర్ గా నాని చేసే మర్డర్లు అస్సలు ఆసక్తికరంగా లేవు. స్టోరీ అంతా చాలా చప్పగా వెళ్లిపోతుంది. ఎక్కడా ప్రేక్షకులకు హై మొమెంట్స్ కూడా లేవు. నాని, సుధీర్ బాబు మంచి యాక్టర్లు అయినప్పటికీ వారికి ఇచ్చిన పాత్రలకు పూర్తి న్యాయం చేయలేకపోయారు అనే చెప్పాలి. నానిని అసలు ఆ ప్రతినాయకుడి పాత్రలో స్క్రీన్ పైన ఉన్నంతసేపు ఊహించలేము. సెంటిమెంట్ కొద్దిగా వర్క్ ఔట్ అయినప్పటికీ నాని చేసే హత్యల్లో కనీస పస లేకపోవడం సినిమాకు పెద్ద మైనస్ అని చెప్పాలి.
కంక్లూజన్
థియేటర్లలో ‘V’ బొమ్మ గనుక పడుంటే ఖచ్చితంగా ఫ్లాప్ టాక్ మూటగట్టుకునేది. దిల్ రాజు తక్కువ లాభానికి అమ్మినా…. చాలా తెలివిగా తప్పించుకున్నాడు అనే చెప్పాలి. ఒక్క మాటలో చెప్పాలంటే…. ఇప్పటివరకు ఇంద్రగంటి మోహన్ కృష్ణ తీసిన చిత్రాలలో ‘V’ చిత్రమే ది వరస్ట్.
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!