సర్కారు వారి పాట ఫస్ట్ లుక్ – కథ గురించి చెబుతున్న సీక్రెట్ ఇదే?
టాలీవుడ్ అగ్ర కథానాయకులలో ఒకరైన సూపర్ స్టార్ మహేష్ బాబు నటించిన 27వ సినిమా, ‘సర్కారు వారి పాట’ యొక్క క అనౌన్స్మెంట్ నేడు సూపర్ స్టార్ కృష్ణ గారి పుట్టినరోజు ను పురస్కరించుకుని జరిగిన విషయం తెలిసిందే. ఈ సినిమాకు సంబంధించిన టైటిల్ ఇంతకు ముందే లీక్ అవ్వగా చిత్రబృందం నేడు అధికారికంగా ఖరారు చేస్తూ మహేష్ బాబుని ఒక ఊర మాస్ లుక్ లో చూపిస్తూ పోస్టర్ ని రిలీజ్ చేసింది. ఇకపోతే ఈ చిత్రానికి మహేష్ బాబుతో సహా మైత్రి మూవీ మేకర్స్ మరియు 14 రీల్స్ ఎంటర్టైన్మెంట్ వారు కలిసి సంయుక్తంగా నిర్మించనునారు. టైటిల్ పోస్టర్ ను సోషల్ మీడియా వేదికగా విడుదల చేయగా ఈ చిత్రానికి ‘గీత గోవిందం’ డైరెక్టర్ పరశురామ్ దర్శకత్వం వహిస్తున్నారు. ఇక లుక్ విషయానికి వస్తే మహేష్ ను ఈ పోస్టర్ లో పూర్తిగా చూపించలేదు కానీ వెనక వైపు నుండి సగం లుక్ ని ఓపెన్ చేశారు. ఒక చెవికి రింగు పెట్టుకొని ఉన్న మహేష్ రఫ్ గా కనిపించే గడ్డంతో.. బ్లాక్ షర్టు తో.. ఫ్రీ హెయిర్ స్టైల్ తో మాసీ గా కనిపిస్తున్నాడు. మహేష్ బాబు ని ఇటువంటి మాస్ లుక్ లో చివరిగా ప్రేక్షకులు చూసింది పోకిరి మరియు అతిథి సినిమాల్లోనే. వీటన్నింటికి తోడు టైటిల్ పరమార్థాన్ని ప్రతిబింబించేలా అతని మెడపై రూపాయి అభిమానులను ఉర్రూతలూగించింది. టైటిల్ కు, ఆ పాత రూపాయి బిళ్ళ టాటూకి మరియు కథకు చాలా గట్టి సంబంధమే ఉందని అందరూ భావిస్తున్నారు ఇక మహేష్ ఈ చిత్రంలో మూడు విభిన్నమైన షేడ్స్ లో కనిపిస్తాడని ప్రచారమవుతోంది. యంగ్ కాలేజ్ బోయ్ లుక్ తో పాటు.. రకరకాల ఏజ్ లలో డిఫరెంట్ లుక్ తో ట్రీటిస్తాడని మహేష్ అభిమానుల్లో ప్రచారమవుతోంది. అందుకు తగ్గట్టే ఈ లుక్ యంగ్ ఏజ్ కి సంబంధించినది అని అర్థమవుతోంది. తమన్ సంగీతం.. పీఎస్ వినోద్ సినిమాటోగ్రాఫర్ గా.. మార్తాండ్ కె వెంకటేష్ ఎడిటర్ గా పనిచేస్తున్నారు. ఇక ఈ చిత్రంలో మహేశ్ త్రిపాత్రాభినయం పోషించనున్నారనే వార్తలపై చిత్రబృందం నుంచి క్లారిటీ రావాల్సి ఉంటుంది...