What is Freelancing: ప్రపంచాన్ని ఆర్థిక మాంద్యం కుదిపేస్తోంది. ఇలాంటి తరుణంలో వరల్డ్ వైడ్ గా కంపెనీలు మూతపడుతున్నాయి. యాజమాన్యాలు చెప్పా పెట్టకుండా ఉద్యోగాలు పీకేస్తున్నారు. నిరుద్యోగం అన్ని దేశాలలో తాండవం చేస్తుంది. మరోపక్క చదివిన విద్యకి ఉద్యోగాలు సంపాదించడానికి… డిగ్రీ సర్టిఫికెట్ చేతిలో ఉన్నా గాని బయట ఉద్యోగాలు ఇచ్చే పరిస్థితుల్లో కంపెనీలు కనబడటం లేదు. ఇటువంటి ఇబ్బందులను అధిగమించడానికి ఒకే ఒక మార్గం “ఫ్రీలాన్సింగ్”. దీని గురించి పూర్తిగా అర్థవంతంగా తెలుసుకుందాం.
ఆన్ లైన్ లో క్లైంట్స్:-
మేటర్ లోకి వెళ్తే… ఇంటి దగ్గర నుండి డబ్బులు సంపాదించుకునే మార్గం కి చక్కనైన అవకాశం ఫ్రీలాన్సింగ్. సామర్థ్యానికి తగిన ఉద్యోగాలు ఈ ఫ్రీలాన్సింగ్ విధానం ద్వారా పొందవచ్చు. టెక్నికల్ మైండ్ కలిగి ఫోటోషాప్ ఇంకా వెబ్ డిజైన్… రైటింగ్ స్కిల్స్.. వీడియో ఎడిటింగ్ తెలిసినవారు.. వంటి వాటిలో మంచి నైపుణ్యం ఉంటే..ఫ్రీలాన్సింగ్ లో అవకాశాలు అందుకుని స్థిరపడవచ్చు. స్వయం ఉపాధి మాదిరిగా..ఫ్రీలాన్సింగ్ లో డబ్బులు సంపాదించవచ్చు. ఆన్ లైన్ లో క్లైంట్స్ నీ కలిసి నిర్దేశించిన టైములో ప్రాజెక్టులు పూర్తిచేసి .. డబ్బులు తీసుకునే ప్రక్రియని ఫ్రీలాన్సింగ్ అంటారు. ఈ విధానం ద్వారా ఎన్ని ఎక్కువ ప్రాజెక్టులు పూర్తి చేయగలిగితే అంత ఎక్కువ డబ్బులు సంపాదించవచ్చు. ఫ్రీలాన్సింగ్ లో ఎక్కువ శాతం డిజైనర్ లు, రచయితలు, కంప్యూటర్ డెవలపర్ లు.. అవకాశాలు అందుకుంటారు. ప్రస్తుతం సంగీతం, ఫోటోగ్రఫీ, గ్రాఫిక్ డిజైనింగ్ వంటి రంగాలతో పాటు.. అన్ని రంగాలలో ఫ్రీలాన్సింగ్ రోజురోజుకి అభివృద్ధి చెందుతుంది.
వెబ్సైట్ లలో.. ప్రొఫైల్ క్రియేట్…
అంతేకాదు ఒకపక్క ఉద్యోగం చేస్తున్నా గానీ మరోపక్క పార్ట్ టైంగా..ఫ్రీలాన్సింగ్ సంపాదించవచ్చు. అయితే ఈ వర్క్ మనం పొందుకోవాలంటే వీటికి సంబంధించిన www.freelancer.com, www.upwork.com, www.fiverr.com వెబ్సైట్ లలో.. ప్రొఫైల్ క్రియేట్ చేసుకుని మన విద్యార్హతలు స్కిల్స్… చార్జ్ చేసే డబ్బులు వంటి విషయాలు స్పష్టంగా తెలియజేయాలి. ఇటువంటి వెబ్సైట్స్ క్లైంట్స్ ని కలిసి… ప్రాజెక్టులు పొందుకోవడానికి ఉపయోగపడతాయి. ప్రొఫైల్ ఎంత నమ్మకంగా ఉంటే క్లైంట్ లు ఎంచుకునే అవకాశం అంత ఎక్కువగా ఉంటుంది. ఈ క్రమంలో క్లైంట్ ఇచ్చిన వర్క్ నమ్మకంగా పూర్తి చేసి వారిని సంతృప్తిపరిస్తే మరింత వర్క్ పొందుకునే అవకాశం ఉంటుంది. ప్రపంచంలో బాగా అభివృద్ధి చెందిన కంపెనీలు సైతం తమ పని భారం తగ్గించుకోవడానికి…ఫ్రీలాన్సింగ్ విధానాన్ని ఆశ్రయిస్తున్నాయి. ప్రస్తుత సమాజంలో నిరుద్యోగులకు ఈ విధానం ఒక చక్కటి పరిష్కారం అని చెప్పవచ్చు. పని విషయంలో ఎవరి ఒత్తిడి లేకుండా ఇంటిలోనే చక్కగా ఫ్రీలాన్సింగ్ ద్వారా డబ్బులు సంపాదించుకోవచ్చు.