దేశీయ మొబైల్స్ త‌యారీదారు లావా.. జడ్ సిరీస్‌లో జడ్61 ప్రొ పేరిట ఓ నూత‌న స్మార్ట్ ఫోన్‌ను భార‌త్‌లో గురువారం విడుద‌ల చేసింది. ఇది మేడిన్ ఇండియా ఫోన్ కావ‌డం విశేషం. యాంటీ చైనా సెంటిమెంట్ కొన‌సాగుతున్న ఈ రోజుల్లో లావా ఈ ఫోన్‌ను విడుద‌ల చేసింది. దీంట్లో ప‌లు అద్భుత‌మైన ఫీచ‌ర్ల‌ను అందిస్తున్నారు.
లావా జడ్61 ప్రొ స్మార్ట్‌ఫోన్‌లో.. 5.45 ఇంచుల డిస్‌ప్లే ఉంది. ఈ ఫోన్‌లో 1.6 గిగాహెడ్జ్ ఆక్టాకోర్ ప్రాసెస‌ర్‌, 2జీబీ ర్యామ్‌ల‌ను ఏర్పాటు చేశారు. 16జీబీ స్టోరేజ్ ఇన్‌బిల్ట్‌గా ల‌భిస్తుంది. మెమొరీని 128జీబీ వ‌రకు మైక్రోఎస్‌డీ కార్డు స‌హాయంతో పెంచుకోవ‌చ్చు. ఇందులో ఆండ్రాయిడ్ ఓఎస్‌ను అందిస్తున్నారు. డ్యుయ‌ల్ సిమ్ వేసుకోవ‌చ్చు.
ఈ ఫోన్ ముందు భాగంలో 5 మెగాపిక్స‌ల్ కెమెరా ఉంటే.. వెనుక భాగంలో 8 మెగాపిక్స‌ల్ కెమెరా ఉంది. 4జీ వీవోఎల్‌టీఈ స‌దుపాయం ఉంది. 3100 ఎంఏహెచ్ బ్యాట‌రీని ఏర్పాటు చేశారు. రూ.5,774 ధ‌ర‌కు ఈ ఫోన్ ల‌భిస్తోంది.
