మొబైల్స్ తయారీదారు రియల్మి కొత్తగా రియల్మి 7ఐ పేరిట ఓ నూతన స్మార్ట్ ఫోన్ను భారత్లో బుధవారం విడుదల చేసింది. ఇప్పటికే రియల్మి 7, 7ప్రొ ఫోన్లు విడుదల కాగా ఆ సిరీస్లో ఈ ఫోన్ కొత్తగా విడుదల కావడం విశేషం. దీంట్లో ఆకట్టుకునే ఫీచర్లను ఏర్పాటు చేశారు.
రియల్మి 7ఐ స్మార్ట్ ఫోన్లో 6.5 ఇంచుల డిస్ప్లేను ఏర్పాటు చేశారు. ఇది ఎల్సీడీ డిస్ప్లే. హెచ్డీ ప్లస్ రిజల్యూషన్ను కలిగి ఉంది. దీనికి 90 హెడ్జ్ రిఫ్రెష్ రేట్ ఇచ్చారు. అందువల్ల డిస్ప్లే క్వాలిటీ బాగుంటుంది. అలాగే డిస్ప్లేకు గొరిల్లాగ్లాస్ ప్రొటెక్షన్ను ఇచ్చారు. ముందు వైపు 16 మెగాపిక్సల్ కెమెరాను ఇచ్చారు. స్నాప్డ్రాగన్ 662 ప్రాసెసర్ను ఏర్పాటు చేశారు. 4జీబీ వరకు ర్యామ్ను అందిస్తున్నారు. 64, 128 జీబీ స్టోరేజ్ ఆప్షన్లలో ఈ ఫోన్ లభిస్తుంది. మెమొరీని కార్డు ద్వారా 256 జీబీ వరకు పెంచుకోవచ్చు.
వెనుక వైపు 64 మెగాపిక్సల్ మెయిన్ కెమెరాకు తోడు మరో 8 మెగాపిక్సల్ అల్ట్రా వైడ్ యాంగిల్ కెమెరా, 2 మెగాపిక్సల్ బ్లాక్ అండ్ వైట్ కెమెరా, 2 మెగాపిక్సల్ మాక్రో కెమెరాలను ఇచ్చారు. అందువల్ల ఫొటోలు క్వాలిటీగా వస్తాయి.ఆండ్రాయిడ్ 10 ఆపరేటింగ్ సిస్టమ్ ఇందులో లభిస్తుంది. ఈ ఫోన్లో వెనుక వైపు ఫింగర్ ప్రింట్ సెన్సార్ను అమర్చారు. మెమొరీ కార్డు కోసం ప్రత్యేకంగా స్లాట్ను ఇచ్చారు. రెండు సిమ్లను వేసుకోవచ్చు. 5000 ఎంఏహెచ్ భారీ కెపాసిటీ ఉన్న బ్యాటరీ ఇందులో లభిస్తుంది. దీనికి ఫాస్ట్ చార్జింగ్ ఫీచర్ను ఇచ్చారు.
రియల్మి 7ఐ ఫోన్కు చెందిన 4జీబీ ర్యామ్, 64జీబీ స్టోరేజ్ మోడల్ ధర రూ.11,999 ఉండగా, 4జీబీ ర్యామ్, 128 జీబీ స్టోరేజ్ మోడల్ ధర రూ.12,999గా ఉంది. ఈ ఫోన్ను అక్టోబర్ 16 నుంచి ఫ్లిప్కార్ట్లో విక్రయించనున్నారు.