సోషల్ మీడియా రంగంలో మెల్లగా వచ్చి అలా అల్లుకుపోయింది టిక్ టాక్. సామాన్యులను సైతం హీరోలను చేసింది. చివరాకరికి చాలామందిని టిక్ టాక్ కి వ్యసనంగా మార్చేసింది. ఒక స్థాయిలో ఎంటర్టైన్మెంట్ ఇస్తూనే మరో స్థాయిలో అనర్ధాలకు కూడా టిక్ టాక్ కారణమవుతోంది. ప్రపంచంలో ఏ మూలకు వెళ్లినా ఈ పేరు వినబడుతోంది. ప్రపంచ దేశాలను అంతలా ప్రభావితం చేసిన టిక్ టాక్ మనిషి దైనందిన జీవితంలో చాలావరకూ భాగమైపోయింది. మన టాలెంట్ ఏదో బయట ప్రపంచానికి చూపించడానికి వచ్చిన ఈ యాప్ వల్ల పాజిటివ్ ఎంత ఉందో నెగిటివ్ కూడా అదే స్థాయిలో ఉంది.
టిక్ టాక్ యాప్ లో ఒక వ్యక్తి చేసే వీడియోల వలన ఇబ్బంది కలిగిన లేకపోతే కామెంట్స్ వలన ఇబ్బంది వచ్చినా అలాంటి వారిని బ్లాక్ చేయవచ్చు. టిక్ టాక్ వాడే వాళ్ళకి ఈ యాప్ లో కొంతమంది కావాలని భయంకరమైన బూతులు తిడుతూ కామెంట్లు పెడుతున్నారు. అలాంటివారిని బ్లాక్ చేసే ఆప్షన్ తాజాగా టిక్ టాక్ తీసుకొచ్చింది. ఆ విధానం గురించి తెలుసుకుందాం. ఈ సందర్భంగా టిక్ టాక్ అకౌంట్ ఓపెన్ చేసి ఆ త‌ర్వాత డిస్కవర్ మీద క్లిక్ చేసి.. మీరు బ్లాక్ చేయదలిచిన వ్యక్తి యొక్క పేరును నమోదు చేయండి.
దీనికి ప్రత్యామ్నాయంగా మీ యొక్క అకౌంట్‌పై ట్యాప్ చేయండి. ఫాలోయింగ్ మీద క్లిక్ చేయండి. ఆ తరువాత మీరు బ్లాక్ చేయదలచిన యూజ‌రు పేరును వెతకండి. ఇప్పుడు యూజర్ యొక్క ప్రొఫైల్ ను ఓపెన్ చేయండి. త‌ర్వాత కుడివైపు ఎగువ మూలలో ఉన్న మూడు చుక్కల చిహ్నాన్ని క్లిక్ చేయండి. ఇందులో బ్లాక్ అనే ఎంపికను ఎంచుకుంటే స‌రిపోతుంది. ఈ విధంగా మిమ్మల్ని ఇబ్బంది పెట్టే టిక్ టాక్ వీడియో లా ఎకౌంటు లేకపోతే కామెంట్లు చేసే ఎకౌంటు బ్లాక్ చేయవచ్చు. ఇలా చేయటంవల్ల వారు మీతో చాటింగ్ చేయలేరు వాళ్ళ వీడియోస్ మీకు రావు మీ వీడియోస్ వారు చూడలేరు.
