Twitter : సంతోషం వచ్చినా, బాధ కలిగిన, చిన్న విషయమైనా, పెద్ద విషయమైనా తమ భావాలను ప్రతి ఒక్కరూ సోషల్ మీడియాలో షేర్ చేస్తూ ఉంటారు..! ప్రపంచవ్యాప్తంగా ఎక్కువగా ఉపయోగించే సోషల్ మీడియా ప్లాట్ ఫామ్ లలో ట్విట్టర్ ఒకటి..! దేశ ప్రధానమంత్రులతో మొదలుకొని సామాన్యుల వరకు ప్రతి ఒక్కరు ఈ యాప్ ను ఉపయోగిస్తుంటారు.. ఇప్పటివరకు ఏ సోషల్ మీడియా యాప్ లో నైన పోస్ట్ చేసిన తర్వాత దాన్ని ఎడిట్ చేసుకునే అవకాశం లేదు.. ఒకవేళ తప్పుగా పోస్ట్ చేస్తే.. ఆ పోస్ట్ ని డిలీట్ చేసి మళ్ళీ కొత్తగా పోస్ట్ చేయాల్సి ఉంటుంది.. అలా కాకుండా మనం పోస్ట్ చేసే ముందు ప్రివ్యూ చూపించి.. ఏమైనా తప్పులు ఉన్నాయె.. సరిదిద్దుకునే ఆప్షన్ ఉంటే బాగుంటుంది కదూ..!! అచ్చం మనలోనే ఆలోచిస్తోంది ప్రముఖ మైక్రో బ్లాగింగ్ సంస్థ ట్విట్టర్.. తాజాగా ఈ ఆలోచనలో భాగంగానే సరికొత్త ఫీచర్ రూపొందించింది..!!
ఇకపై ట్విట్టర్ లో ట్విట్ చేసే ముందు 5 సెకన్లపాటు చూసుకునే అవకాశం కల్పిస్తుంది.. “Undo Send” అనే ఫీచర్ ను పరిచయం చేస్తోంది.. ఈ ఫీచర్ ద్వారా 5 సెకండ్లలో పు ఏమైనా తప్పులు ఉన్నాయని భావిస్తే “Undo Send” ట్యాబ్ పై క్లిక్ చేయాలి.. ఈ ట్యాబ్ పై క్లిక్ చేస్తే ట్విట్ పోస్ట్ అవ్వదు.. ఈ ఫీచర్ ద్వారా స్పెల్లింగ్ మిస్టేక్స్ ని చెక్ పెట్టొచ్చని సంస్థ భావిస్తోంది. ప్రస్తుతం ఈ ఫీచర్ను టెస్టింగ్ కోసం కొంత మందికి అందుబాటులోకి తీసుకువచ్చారని సమాచారం. ఈ ఫీచర్ ద్వారా ఎటువంటి సమస్యలు లేవని నిర్ధారించుకున్న తర్వాత అందుబాటులోకి తీసుకురానుంది సంస్థ.