IPhone Unlock : సాధారణంగా స్మార్ట్ ఫోన్ వాడే యూజర్లు తమ ప్రైవసీకి కోసం స్క్రీన్ లాక్ చేస్తూ ఉంటారు. కొందరు పిన్ కోడ్ తో లాక్ చేస్తుండగా, మరికొందరు మాత్రం ఫేస్ ఐడితో అన్ లాక్ చేసే వాళ్ళు ఉంటారు. అయితే కరోనా కారణం వల్ల బయటకు వెళ్ళినప్పుడు ఖచ్చితంగా మాస్కు ధరించి వెళ్లాల్సి ఉంటుంది. ఈ నేపథ్యంలోనే ఫోన్ అన్ లాక్ చేయాలంటే ప్రతిసారి మాస్క్ తీయాల్సి ఉంటుంది. లేదా ఫోన్ అన్ లాక్ కోడ్ ఎంటర్ చేయాల్సి వస్తోంది. దీనివల్ల పదేపదే మాస్కు తీయడం ఎంతో ఇబ్బందికరంగా ఉంటుంది. ఈ సమస్యలను దృష్టిలో ఉంచుకొని ప్రముఖ ఆపిల్ కంపెనీ తాజా 14.5 వర్షన్ అప్డేట్ తో మాస్కు తీయకుండానే ఫోన్ అన్ లాక్ చేసే సరికొత్త ఫీచర్ అందుబాటులోకి తీసుకువచ్చింది.
అయితే ఈ సరికొత్త ఫీచర్ అప్డేట్ తో ఐఫోన్ ను ఆపిల్ వాచ్ తో అన్ లాక్ చేసుకునే సదుపాయాన్ని కల్పించింది. ఈ విధంగా ఆపిల్ వాచ్ ను ఉపయోగించి ఫోన్ అన్ లాక్ ఎటువంటి బయోమెట్రిక్, ఫేస్ ఐడి లేకుండా ఓపెన్ చేయవచ్చు. అయితే ఈ వాచ్ మన ఐఫోన్ కి దగ్గరగా ఉండే విధంగా చూసుకోవాలి. అయితే ఈ వాచ్ దూరంగా ఉంటే మాత్రం ఫోన్ అన్ లాక్ తీయడం సాధ్యం కాదు.
ఈ విధంగా ఐఫోన్ అన్ లాక్ చేయడానికి కేవలం వాచ్ మాత్రమే కాకుండా, ఫేస్ ఐడి, మాస్క్ ను గుర్తించాల్సి ఉంటుంది. ఫోన్ స్క్రీన్ లాక్ చేయాలంటే ఆపిల్ వాచ్ అన్ లాక్ చేయడమే కాకుండా రిస్ట్ డిటెక్షన్ ఫీచర్ కూడా ఎనేబుల్ చేసి ఉంచాలి. అయితే వాచ్ ఎప్పుడు మన చేతికి అయినా ఉండాలి, లేదా మన ఫోన్ కు దగ్గరగా ఉన్నప్పుడు మాత్రమే ఐఫోన్ అన్ లాక్ సాధ్యమవుతుంది. ఆపిల్ సంస్థ ఈ కొత్త ఫీచర్ అందుబాటులోకి తీసుకురావడం వల్ల ఇప్పుడు ఐ ఫోన్ అన్ లాక్ ఎంతో సులభతరం అవుతుంది.