WhatsApp : ప్రముఖ మెసేజింగ్ యాప్ వాట్సాప్.. తన యూజర్లను ఆకట్టుకునేందుకు సరికొత్త ఫీచర్స్ అందుబాటులోకి తీసుకు వస్తుంది.. తాజాగా వాట్సాప్ చాట్ థ్రెడ్ ఫీచర్ ను పరిచయం చేసింది..!! ఈ ఫీచర్ గురించి పూర్తి విశేషాలు ఇప్పుడు తెలుసుకుందాం..!
ఈ ఫీచర్ ద్వారా ఇకపై యూజర్లు తమ సమస్యలను వాట్సాప్ కు సులభంగా నివేదించవచ్చు. అంతే కాకుండా కేవలం 48 గంటల్లోనే సమస్యకు పరిష్కారాన్ని పొందవచ్చు. ప్రస్తుతానికి కొంతమంది బీటా యూజర్లకు మాత్రమే అందుబాటులో ఉన్న ఈ ఫీచర్ను అతి త్వరలోనే ఆండ్రాయిడ్ యూజర్లకు పరిచయం చేయనున్నట్లు వాట్సాప్ స్పష్టం చేసింది. ఒకవేళ మీరు బీటా యూజర్ అయినా సరే , ప్రస్తుతానికి ఇది మీకు అందుబాటులో లేకపోతే వాట్సాప్ బీటా వెర్షన్ అప్డేట్ చేసుకోవాలని సూచించింది. దీనిద్వారా మీకు వాట్సాప్ థ్రెడ్ ఫీచర్ అందుబాటులోకి వస్తుందని తెలిపింది..
ఈ ఫీచర్ మీకు అందుబాటులో ఉందా.. లేదా.. అనే విషయం తెలుసుకోవడం చాలా సులువు. దీనికోసం మీరు వాట్సాప్ సెట్టింగ్స్ లోకి వెళ్లి హెల్ప్ ఆప్షన్ ను ఎంచుకోవాలి. అందులో కాంటాక్ట్ అస్ అనే ఆప్షన్ పై క్లిక్ చెయ్యాలి. మీకు ఒకవేళ వాట్సప్ చాట్ థ్రెడ్ యాక్సెస్ ఉంటే.. అక్కడ ఒక డైలాగ్ బాక్స్ కనిపిస్తుంది. లేదంటే.. ఎటువంటి డైలాగ్ బాక్స్ కనిపించదు. మీకు ఈ థ్రెడ్ ఫీచర్ అందుబాటులో ఉంటే దానిలో మీరు ఎదుర్కొంటున్న టెక్నికల్ సమస్యలు నమోదు చేయండి.
తరువాత మీరు థ్రెడ్ ప్రారంభించగానే వాట్సాప్ మీకు పరిష్కారాన్ని గ్రూప్ చాట్ లో చూపిస్తుంది. సాధ్యమైనంత త్వరగా పరిష్కరించేందుకు మీ డివైజ్ సమాచారం, ఇతర టెక్నికల్ వివరాల యాక్సిస్ పర్మిషన్ అడుగుతుంది. ఈ సమాచారాన్ని వాట్సప్ తో పంచుకోవాలా.. లేదా.. అనే ఆప్షన్ ను కూడా ఇస్తుంది. అయితే ఒకవేళ మీ డి వై సమాచారం మాతో పంచుకున్నా సరే.. ఆ సమాచారం సెక్యూర్ గానే ఉంటుందని వాట్సాప్ తెలుపుతుంది.. త్వరలోనే వాట్సాప్ ఫీచర్ను అందరికీ పరిచయం చేయనుంది.