బీజేపీ రాష్ట్ర అధ్యక్షుడు బండి సంజయ్ కు హనుమకొండ కోర్టులో ఊరట లభించింది. పదో తరగతి ప్రశ్నాపత్రాల లీకేజీ కేసులో బండి సంజయ్ ను పోలీసులు అరెస్టు చేసిన సంగతి తెలిసిందే. పోలీసులు నిన్న రాత్రి హనుమకొండ మెజిస్ట్రేట్ కోర్టులో హజరుపర్చగా ఆయనకు న్యాయమూర్తి 14 రోజులు రిమాండ్ విధించారు. ఆ వెంటనే ఆయనను పోలీసులు కరీంనగర్ జైలుకు తరలించారు. ఈ సందర్భంలో బండి సంజయ్ తరపు న్యాయవాదులు బెయిల్ పిటిషన్ దాఖలు చేయగా, ఇవేళ విచారణ జరిగింది. ప్రభుత్వం తరపున న్యాయవాదులు బండి సంజయ్ బెయిల్ ను అపోజ్ చేస్తూ వాదనలు వినిపించారు.
ఈ కేసులో పోలీసులు అరెస్టు నిబంధనలు పాటించలేదనీ, కుట్ర పూరితంగా కేసు నమోదు చేశారనీ, అరెస్టుకు ముందు నోటీసులు అందజేయలేదని బండి సంజయ్ తరపు న్యాయవాదులు సమర్ధవంతంగా వాదనలు వినిపించారు. సుదీర్ఘ వాదనల అనంతరం బండి సంజయ్ న్యాయవాదుల వాదనలతో ఏకీభవించిన మెజిస్ట్రేట్ రూ.20వేల పూచికత్తుతో బెయిల్ మంజూరు చేస్తూ ఉత్తర్వులు జారీ చేశారు. కొద్ది సేపటిలో బెయిల్ పేపర్లు బండి సంజయ్ న్యాయవాదులకు అందనున్నాయి. బెయిల్ పేపర్లను కరీంనగర్ జైలులో సమర్పించిన తర్వాత అనంతరం బండి సంజయ్ జైలు నుండి విడుదల కానున్నారు. రేపు ఉదయం జైలు నుండి బండి సంజయ్ విడుదల కానున్నారు. బండి సంజయ్ కు బెయిల్ మంజూరు కావడం పట్ల బీజేపీ శ్రేణులు సంతోషం వ్యక్తం చేస్తున్నారు.
హైకోర్టులో బండి సంజయ్ కి లభించని ఊరట .. విచారణ వాయిదా.. బెయిల్ పై కొనసాగుతున్న ఉత్కంఠ
