Etela Rajender: ప్రస్తుతం తెలంగాణ రాష్ట్ర రాజకీయాలలో మాజీ మంత్రి ఈటెల రాజేందర్ ఎపిసోడ్ హాట్ టాపిక్ గా ఉన్న సంగతి తెలిసిందే. భూ కబ్జా ఆరోపణలతో ఈటెలను కేసీఆర్ మంత్రి వర్గం నుండి బర్తరఫ్ చేసినప్పటి నుండి ఈటెల దారి ఎటు అన్న చర్చ జరుగుతోంది. ఈ నేపథ్యంలోనే ఈటెల వివిధ పార్టీల నాయకులతో సమావేశం అవుతూ వస్తున్నారు. నియోజకవర్గంలో తన వర్గీయులతో సమావేశాలను నిర్వహించి వారి అభిప్రాయాలను తీసుకున్నారు.
టీఆర్ఎస్ ఆవిర్భావం నుండి కెసిఆర్‌తో కలిసి పని చేసిన ఈటెల స్వతంత్రంగా రాజకీయం చేస్తే టీఆర్ఎస్ లో అసంతృప్తి వాదులు ఆయనతో కలిసి పని చేసే అవకాశం ఉందని కూడా వార్తలు వస్తున్నాయి. అది ఎంత మేర ఉంటుంది ఇంకా స్పష్టత లేదు. అయితే ఈటెల కొత్త రాజకీయ పార్టీ పెడతారా? లేక ఏదయినా ప్రస్తుతం ఉన్న రాజకీయ పార్టీ లో చేరతారా? అనే విషయాలపై ఈటెల ఇంత వరకు స్పష్టత ఇవ్వలేదు. ఈ తరుణంలో బీజేపీ అయనకు ఆహ్వానం పలికిందని, మంచి పదవి కూడా ఆఫర్ చేసినట్లు సోషల్ మీడియా లో కధనాలు వచ్చాయి. బీ జే పీలో చేరవచ్చు అని ఇప్పటికే బీజేపీ సీనియర్ నేత, హోమ్ శాఖ సహాయ మంత్రి కిషన్ రెడ్డి కూడా ఈటెలను కలుస్తున్నట్లు వార్తలు వచ్చాయి.
Read More: YS Jagan case: కౌంటర్ ధాఖలుకు చివరి అవకాశం ఇచ్చిన సీబీఐ కోర్టు
ఈ వార్తల నేపథ్యంలో తాజాగా ఈటెల స్పందించారు. ఒక మీడియా ఛానల్ లో మాట్లాడుతూ బీజేపీలో చేరుతున్నట్లు వస్తున్న వార్తల్లో నిజం లేదన్నారు. తనకు మద్దతు కోరేందుకే వారిని కలిసినట్లు తెలిపారు. తాను ఎమ్మెల్యే పదవికి రాజీనామా చేసి మళ్ళీ హుజూరాబాద్ నుండే పోటీ చేయాలనుకుంటున్నట్లు తెలిపారు. దీనిపై త్వరలోనే అధికారికంగా తన నిర్ణయాన్ని ప్రకటిస్తానని ఈటెల తెలిపారు.
