TS Minister Harish Rao: తెలంగాణ మంత్రి హరీష్ రావు కాన్వాయ్ ప్రమాదానికి గురైంది. ఈ ఘటనలో కారు ముందు భాగం ధ్వంసం కాగా హరీష్ రావు డ్రైవర్, గన్ మెన్ కు గాయాలు అయ్యాయి. కారు వెనుక సీటులో హరీష్ రావు కూర్చోవడంతో ప్రమాదం తృటిలో తప్పింది.
మంత్రి హరీష్ రావు సిద్దిపేట నుండి హైదరాబాద్ వెళుతుండగా సిద్దిపేట శివారులో రహదారిపై అడ్డంగా వచ్చిన అడవి పందులను తప్పించే క్రమంలో పైలెట్ వాహనం డ్రైవర్ ఒక్కసారిగా షడన్ బ్రేక్ వేశారు. దీంతో కాన్వాయ్ లోని మిలిగిన వాహనాలు ఒకదాని కొకటి ఢీకొన్నాయి. ప్రమాదంలో గాయపడిన డ్రైవర్, గన్ మెన్ లను ఆసుపత్రికి తరలించారు. ప్రమాదం తప్పడంతో హరీష్ రావు వేరే కారులో హైదరాబాద్ వెళ్లిపోయారు. ఈ ఘటనతో దుద్దెడ వద్ద రహదారిపై వాహనాల రాకపోకలు నిలిచిపోయాయి. ప్రమాద విషయం తెలుసుకున్న ముఖ్యమంత్రి కేసిఆర్.. మంత్రి హరీష్ రావుకు ఫోన్ చేసి వివరాలు అడిగి తెలుసుకున్నారు.
