KTR: తెలంగాణ రాష్ట్ర ఐటీ , పురపాలక శాఖ మంత్రి కేటీఆర్ జన్మదినం నేడు. కేటీఆర్ పుట్టిన రోజ నేపథ్యంలో ఆయనకు పార్టీ నేతలు, ప్రజాప్రతినిధులు, కార్యకర్తల నుంచి శుభాకాంక్షలు వెలువెత్తున్నాయి. పలువురు సినీ ప్రముఖులు సైతం కేటీఆర్కు గ్రీటింగ్స్ చెప్పారు. అయితే, టీఆర్ఎస్ పార్టీ వర్కింగ్ ప్రెసిడెంట్, మంత్రి కేటీఆర్కు ఆర్థిక శాఖ మంత్రి హరీష్ రావు ట్విట్టర్ వేదికగా జన్మదిన శుభాకాంక్షలు తెలపడం ప్రత్యేకంగా నిలిపింది.
Read More: KCR: మోత్కుపల్లికి కేసీఆర్ కండువా కప్పేది అందుకేనా?
హరీశ్ రావు ఏమని ట్వీట్ చేశారంటే..
ఆయురారోగ్యాలతో మరింతకాలం ప్రజా జీవితంలో కొనసాగాలని హరీష్ రావు ఆకాంక్షించారు. ఈ మేరకు ఓ ట్వీట్లో కేటీఆర్కు హరీశ్ రావు శుభాకాంక్షలు తెలిపారు. హరీష్ రావు ట్వీట్కు కేటీఆర్ బదులిస్తూ.. థ్యాంక్స్ బావ అంటూ ట్వీట్ చేశారు.ఈ ట్వీట్ సహజంగానే టీఆర్ఎస్ నేతలను పెద్ద ఎత్తున ఆకర్షించింది.
Read More : KCR: కేసీఆర్ ఇంకో వరం… ఔను హుజురాబాద్ కోసమే!
విబేధాలు సమసిపోయాయా?
టీఆర్ఎస్ పార్టీ పెద్దలు హరీశ్ రావును దూరం పెట్టారని, ఆయనకు ప్రాధాన్యం తగ్గించేశారని కొద్దికాలం కిందట పెద్ద ఎత్తున ప్రచారం జరిగిన సంగతి తెలిసిందే. కేటీఆర్ కు ప్రాధాన్యం పెంచి హరీశ్ రావుకు తగ్గించేశారని పేర్కొన్నారు. పలు ఎన్నికలు, వివిధ పార్టీ కార్యక్రమాలను ప్రస్తావిస్తూ ఈ మేరకు అంచనాలు వెలువడ్డాయి. అయితే, తాజాగా హుజురాబాద్ ఉప ఎన్నిక నేపథ్యంలో ఆ గ్యాప్ తగ్గిపోయాయని అంటున్నారు. దీనికి నిదర్శనం తాజాగా హరీశ్ రావుకు దక్కుతున్న గౌరవమని పేర్కొంటున్నారు. ఆ అనుబంధంలో భాగంగానే ఈ ట్వీట్ అని చెప్పుకొస్తున్నారు.