L.Ramana: తెలంగాణ టీడీపీ అధ్య‌క్షుడు ఎల్ రమణ ప్ర‌స్తుతం ఆ రాష్ట్ర రాజ‌కీయాల్లో హాట్ టాపిక్‌. గ‌త కొద్దిరోజులుగా ఆయ‌న సొంత పార్టీ ప‌రిణామాల కంటే ఇత‌ర పార్టీల్లో చేర‌నున్నార‌నే వార్త‌ల‌తోనే ఎక్కువగా మీడియాలో నిలుస్తున్నారు. తాజాగా ప్ర‌గ‌తి భ‌వ‌న్‌లో ముఖ్య‌మంత్రి కేసీఆర్‌తో ఎల్ రమణ భేటీ అయ్యారు. ప్ర‌గ‌తి భ‌వ‌న్‌కు మంత్రి ఎర్ర‌బెల్లి ద‌యాక‌ర్ రావుతో క‌లిసి తెలంగాణ టీడీపీ అధ్య‌క్షుడు స‌మావేశ‌మ‌య్యారు. అయితే, ఆయ‌న టీఆర్ఎస్ పార్టీలో చేర‌డంపై ఇంకా స్ప‌ష్ట‌త రాలేదు.
Read More: L.Ramana: ఎల్.రమణ… రాజ‌కీయ డైల‌మానా… తెలివైనా వ్యూహ‌మా?
ప్ర‌గ‌తిభ‌వ‌న్‌లో….
మంత్రి ఎర్ర‌బెల్లి ద‌యాక‌ర్ రావు తో క‌లిసి ప్ర‌గ‌తి భ‌వ‌న్‌లో సీఎం కేసీఆర్‌తో స‌మావేశ‌మైన రమణ ప‌లు అంశాల‌పై విస్తృతంగా చ‌ర్చించారు. సీఎం కేసీఆర్‌తో భేటీ స‌మ‌యంలో స‌హ‌జంగానే పార్టీ మార్పుపై చ‌ర్చ జ‌రిగి ఉంటుంది. అయితే, దీనిపై ఇటు టీఆర్ఎస్ పార్టీ కానీ అటు తెలుగుదేశం పార్టీ కానీ క్లారిటీ ఇవ్వ‌లేదు. దీంతో రమణ టీఆర్ఎస్ పార్టీలో చేరే అంశంపై స్ప‌ష్ట‌త ఇప్ప‌టికే రాలేదు.
Read More: KCR: ఉప ఎన్నిక‌కు అప్పుడే ఎత్తుగ‌డ వేసేసిన కేసీఆర్
రమణ…. జెండా ఎత్తేయ‌డ‌మేనా?
టీఆర్ఎస్ పార్టీలో ఎల్ రమణ చేరుతార‌ని గ‌త కొద్ది రోజుల నుంచి ఊహాగానాలు వినిపిస్తున్న విష‌యం విదిత‌మే. ఆ ఊహాగానాల‌కు నేటితో తెర ప‌డే అవ‌కాశం ఉంది. మ‌ధ్యాహ్న‌మే కేసీఆర్‌తో ఎల్ రమణ భేటీ జ‌ర‌గాల్సి ఉండ‌గా.. అది కాస్త ఆల‌స్య‌మైంది.అయితే, ఈ భేటీ త‌ర్వాత అయినా గ‌తంలో వ‌లే సాధార‌ణ చ‌ర్చ‌లు అని ఎల్.రమణ పేర్కొంటారా లేదా గులాబీ గూటికి చేరే విష‌యంలో ఆయ‌న క్లారిటీ ఇస్తారా అనే చ‌ర్చ జరుగుతోంది.
