Hyderabad : హైదరాబాదీలకు మరో గుడ్ న్యూస్.. మొన్న డబల్ డెక్కర్ బస్, ఇప్పుడు కొత్తగా.. !!
Hyderabad : దేశ స్థాయిలో మాత్రమే కాక ప్రపంచ స్థాయిలో హైదరాబాద్ నగరానికి మంచి గుర్తింపు ఉందన్న సంగతి తెలిసిందే. ఢిల్లీ తర్వాత దేశానికి రాజధాని లుక్కు కలిగిన నగరం హైదరాబాద్ అని చాలామంది చెబుతారు. అందువల్లే గతంలో అంతర్జాతీయ స్థాయిలో డోనాల్డ్ ట్రంప్ కూతురు ఇవాంకా ట్రంప్ ఆధ్వర్యంలో హైదరాబాద్ నగరంలో అంతర్జాతీయ బిజినెస్ సమావేశాలు జరిగాయని చెబుతారు. అంత పేరుగాంచిన ఈ మహానగరంలో తాజాగా టిఆర్ఎస్ ప్రభుత్వం డబల్ డెక్కర్ బస్ మళ్లీ అందుబాటులోకి తీసుకొస్తున్నట్లు ఇటీవల ప్రకటన చేయడం అందరికీ తెలిసిందే. ఇదిలా ఉంటే త్వరలో బోయింగ్ విమానం తయారీ సంస్థ ఇక్కడ ఓపెనింగ్ చేయనున్నట్లు వార్తలు వస్తున్నాయి.
ఆత్మనిర్భర్ భారత్ కల సాకారం చేసే దిశగా అడుగులు పడుతున్నాయి. విమానాలకు సంబంధించిన విడి భాగాలను తయారుచేసే ఈ సంస్థ అమెరికాకు చెందిన బోయింగ్ సంస్థతో కలసి పని చేయడానికి రెడీ అయింది. హైదరాబాద్ లో ఈ సంస్థ తన కార్యకలాపాలు మొదలు పెట్టడానికి రెడీ అవటంతో.. త్వరలోనే హైదరాబాద్ కేంద్రంగా విమానం విడిభాగాల ఉత్పత్తి మొదలు కానున్నట్లు తెలుస్తోంది. ముఖ్యంగా విమానానికి సంబంధించి విడి విభాగాలలో వెర్టికల్ స్టెబిలైజర్ అనగా విమానం యొక్క పై భాగంలో అమర్చే పార్ట్ హైదరాబాదులో స్థాపించి బోయింగ్ సంస్థలో తయారు కానుందట. విమానాల్లో అత్యంత కీలకమైన భాగాల్లో ఈ వెర్టికల్ స్టెబిలైజర్ కూడా ఒకటి. దీంతో అంతర్జాతీయ స్థాయిలో మరోసారి కొత్త లుక్ హైదరాబాద్ కి రానున్నట్లు తెలుస్తోంది.